«Էներգետիկան երբեք չի կարող օնլայն ձևով փոխանցվել»

        Այսօր մեր իրականության մեջ մտած պանդեմիան խանգարում է շատերիս տեսնել և զգալ գեղեցիկն ու կատարյալը: Մարդը հնարավորություն չունի ստանալու հոգևոր սնունդ, քանի որ փակ են մեր մշակույթի օջախները: «Իրավունք» թերթն այս անգամ զրուցել է  Երևանի ժամանակակից արվեստի թանգարանի տնօրեն` Նունե Ավետիսյանի հետ:

- Մինչ կորոնավիրուսը ինչպե՞ս էր ընթանում թանգարանային կյանքը:

-Այս տարվա մեջ պլանավորել էինք բավականին շատ ցուցադրություններ, ցուցահանդեսներ, բայց ցավոք սրտի մարտի 15-ից հետո թանգարանը փակվեց: Փորձում ենք պահել աշխուժությունը օնլայն տարբերակով, որն իհարկե նկարների համար դա անընդունելի է:

-Այս տարի ցուցադրություններ ունեցե՞լ եք:

-Այս տարվա մեջ  Իտալիայի դեսպանատան հետ կազմակերպված  ունեցանք  Կարլո Մոնտարսոլոի անհատական ցուցահանդեսը, որը տղան էր կազմակերպել: Ցուցադրությունից հետո մենք փակվեցինք: Մինչև մարտի 15-ը  բավականին այցելուներ ունեինք: Շատ մեծ պլաններ կային դրսից շատ ցուցահանդեսներ ունեինք: Բնականաբար այդ ամբողջը չեղյալ եղավ:

-Իսկ օնլայն տերբերակն ինչե՞ս եք անցկացնում:

-Օնլայն տարբերակով ամեն շաբաթ վերցնում ենք երկու նկարիչ, իրենց գործերը, կենսագրականը, պատմությունները և փորձում ենք հետաքրքիր ձևով ներկայացնել մեր կայքում  և ՖԲ էջում:Ցուցադրում ենք ոչ միայն այն նկարիչներին, որոնք ներկայացված են  ցուցասրահում, այլև նրանց, որոնք  վաղուց կամ չեն ներկայացվել, կամ ընդհանրապես հնարավորություն չի եղել իրենց աշխատանքներն ամբողջությամբ ներկայացնել: Դա վերաբերվում է հատկապես գրաֆիկական աշխատանքներին և  ինչու չէ որոշ քանդակների: Օգտվելով այս փակ առիթից` կայքն ավելի ենք բարելավում, մշակում: Այն շուտով կվերաբացվի և   կունենանք օնլայն շոփինգ հավելվածը, որովհետև ունենք  հուշանվերներ, գրքեր, որպեսզի  մարդիկ կարողանան գոնե այդպես ձեռք բերեն և ինչո՞ւ չէ ֆինանսապես թանգարանն ունենա արտաբյուջետային եկամուտ:

-Օնլայն տարբերակով հնարավո՞ր է զգալ արվեստի ուժը:

-Էներգետիկան երբեք չի կարող օնլայն ձևով փոխանցվել: Ամեն նկար ունի իր էներգետիկան, ասելիքը: Կարող ենք տեսնել օնլայն տարբերակով նկարը, բայց չզգալ: Ես իմ սեփական փորձից եմ ասում, երբ որ գրքերով եմ նայում, հետո գնում եմ և դրսում եմ նայում  նույն Ռաֆալեը, Ռուբենսը մնացած ժամանակակից նկարիչների գործերը արցունքներով եմ դուրս գալիս սրահներից: Հետո, երբ մարդիկ գալիս են` կա երկխոսություն: Օնլայն տարբերակով այդ  երկոսությունը չկա: Մարդիկ շփման կարիք ունեն: Երբեմն սկսում են իրենց տպավորություններն ասել,  իմանում են այն ինչ որ վաղուց ուզում էին իմանալ, բայց չէին կարողանում ինչ որ բան գտնել: Գոնե օրը երեք այցելու էլ լինի միևմույն է կհամարես, որ այդ երեքին դու լիցքավորել ես, թե՛ գիտելիքով, թե՛ տպավորությունով, թե՛ գեղեցկությունով և արվեստով: Եվ դա մեծ նշանակություն ունի: Մենք կողմ ենք, որ վերաբացվեն գոնե քիչ քանակի այցելուներով:

-Ռեստավրացիայի հետ կապված խնդիրներ ունե՞ք:

-Ունենք, դա  ծրագրի մեջ էր և կարծում եմ, որ երբ որ վերաբացվենք, կիրականցնենք: Այս պահին ոչ ոք չի աշխատում, որ այդ հարցը բարձրացնենք:

-Տեսնում եմ որքան լավ եք պահպանում հակահամաճարակային կանոններ. Սրճարանները գործում են ինչո՞ւ չեն գործում թանգարանները:

-Մեզ մոտ ամեն կանոն պահպանվում է: Բոլորի համար դիմակներից եմ ձեռք բերել, որ հսկիչները կամ էքսկուրսավարները եթե այցելու լինի,  իրենց համար հեշտ լինի աշխատելը: Իմ առաջարկն է, որ թույլ տան աշխատել  գոնե սահմանափակ քանակով  այցելուների հետ, իսկ էքսկուրսիաներն էլ լինեն միայն գրանցումով նախապես պայմանավորված:

Նունե Զաքարյան

Այս թեմայով Թրամփը ցանկանում է կրկին հանդիպել Պուտինի հետ Մակրոնը Թրամփի հետ պայմանավորվել է «լուրջ բանակցություններ սկսել» Ուկրաինայի հարցով Մերցի կուսակցությունը պարզապես չի գոյատևի մինչև «Ռուսաստանի հետ պատերազմը» Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Իրանը խոշոր ուժեր է տեղակայել բոլոր սահմաններում՝ հնարավոր ցամաքային հարձակումը հետ մղելու համար