ՀԱՊԿ-ը Բաքվին եւ Երեւանին կոչ են արել անհապաղ դադարեցնել կրակը սահմանին

Հավաքական անվտանգության պայմանագրի կազմակերպությունը (ՀԱՊԿ) լուրջ մտահոգություն է հայտնում Հայաստանի եւ Ադրբեջանի սահմանին լարվածության պատճառով եւ կոչ է անում անհապաղ դադարեցնել կրակը, ասվում է ՀԱՊԿ քարտուղարության մեկնաբանության մեջ, որը տարածել է կազմակերպության մամուլի քարտուղար Վլադիմիր Զայնետդինովը: «ՀԱՊԿ քարտուղարությունում լուրջ մտահոգություն են հայտնում Հայաստանի և Ադրբեջանի զինված ուժերի ստորաբաժանումների զինված բախումից հետո ս.թ. հուլիսի 12-ին հայ-ադրբեջանական սահմանին ստեղծված իրավիճակի սրման կապակցությամբ, այդ թվում՝ ծանր սպառազինության կիրառմամբ, որի արդյունքում կան սպանվածներ և վիրավորներ», - ասվում է հայտարարության մեջ:
«Ստեղծված իրավիճակը չի նպաստում երկու հարեւան պետությունների սահմանին իրադրության կարգավորմանը, որոնցից մեկը՝ Հայաստանի Հանրապետությունը, ՀԱՊԿ անդամ պետություն է, եւ վկայում է Հայաստանի եւ Ադրբեջանի ղեկավարության մակարդակով ձեռք բերված կրակի դադարեցման վերաբերյալ պայմանավորվածությունների խախտման մասին»,- ընդգծել են ՀԱՊԿ-ում:
Ռազմաքաղաքական դաշինքը կոչ են անում կողմերին «անհապաղ վերականգնել հրադադարի ռեժիմը ՀԱՊԿ պատասխանատվության գոտում»: «Ցավակցություն ենք հայտնում զոհվածների հարազատներին ու մերձավորներին եւ վիրավորներին մաղթում շուտափույթ ապաքինում»,-նշել են ՀԱՊԿ-ում:
Կազմակերպությունում ուշադրություն են դարձրել, որ Հավաքական անվտանգության խորհուրդը, ՀԱՊԿ արտաքին գործերի նախարարների խորհուրդն իրենց հայտարարություններում բազմիցս կոչ են արել կողմերին` հասնել հակամարտության իրավիճակների կարգավորմանը բացառապես խաղաղ ճանապարհով եւ ձեռնպահ մնալ սադրիչ գործողություններից՝ լարվածության էսկալացիան թույլ չտալու նպատակով:
 

Այս թեմայով Վիրավոր իմ Հայաստան, դու դեռ ուղղելու ես քո ողնաշարը Երևանում հրդեհ է բռնկվել 5 հարկանի շենքի տանիքում. տարհանվել են բնակիչներ, կրակը մարվել է ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել Բրիտանիայում բնակչությանը կոչ են անում պատրաստվել Ռուսաստանի հետ հնարավոր պատերազմին Bild. Գերմանիայի իշխանությունները կոչ են անում բնակչությանը՝ պատրաստվել պատերազմի