ՌԴ-ում հաջողությամբ ավարտվել են կորոնավիրուսի դեմ աշխարհում առաջին պատվաստանյութի փորձարկումները

Սեչենովի համալսարանում կորոնավիրուսի դեմ աշխարհում առաջին պատվաստանյութի դեմ փորձարկումը հաջողությամբ ավարտվել է, կամավորների առաջին խումբը դուրս կգրվի այսօր, երկրորդը՝ հուլիսի 20-ին: Այդ մասին, ինչպես տեղեկացնում է «ՌԻԱ Նովոստիին» հայտնել է Սեչենովի համալսարանի տրանսլացիոն բժշկության եւ կենսատեխնոլոգիաների ինստիտուտի տնօրեն Վադիմ Տարասովը: Ավելի վաղ Առողջապահության նախարարության մամուլի ծառայությունը հայտնել էր, որ հունիսի 18-ին Սեչենովի համալսարանում սկսվել են կորոնավիրուսի դեմ պատվաստանյութի կլինիկական փորձարկումները, որը մշակել է Ն. Ֆ.Գամալեի անվան համաճարակաբանության եւ մանրէաբանության ազգային հետազոտական կենտրոնը: «Սեչենի համալսարանը հաջողությամբ ավարտել է կորոնավիրուսի դեմ աշխարհում առաջին պատվաստանյութի կամավորների փորձարկումները»,- պատմել է Տարասովը:

Սեչենովի համալսարանի բժշկական մակաբուծաբանության, արեւադարձային եւ փոխանցումային հիվանդությունների ինստիտուտի տնօրեն Ալեքսանդր Լուկաշեւը «ՌԻԱ Նովոստիի» հետ զրույցում նշել է, որ հետազոտության այս փուլի խնդիրն էր ցույց տալ մարդու առողջության համար պատվաստանյութի անվտանգությունը, ինչն էլ արվել է: «Այս փուլում ցուցադրվեց պատվաստանյութի անվտանգությունը... պատվաստանյութի անվտանգությունը հաստատվել է ։ Այն համապատասխանում է այն պատվաստանյութերի անվտանգությանը, որոնք այժմ առկա են շուկայում»,- ասել է Լուկաշեւը ։ Փորձարկումների ընթացքի մասին նա պատմել է․ «Կամավորները բաժանվել են երկու խմբի։ Առաջինը ստացել է պատվաստանյութի մեկ չափաբաժին, երկրորդը՝ երկուսը։ Բացի պատվաստումից հետո առաջին օրերին մարմնի ջերմաստիճանի բարձրացումից, կամավորների մոտ ոչ մի բացասական արձագանք չի հայտնաբերվել, բոլորն իրենց լավ են զգում»ը:

Իր հերթին Տարասովը նշել է, որ կամավորները երկար ժամանակ գտնվել են մեկուսացման մեջ, սահմանափակվել են արտաքին աշխարհի հետ շփումներում մինչեւ փորձարկումների սկսվելը, որպեսզի բացառեն կորոնավիրուսով վարակվելը: Երկար մեկուսացումը, Տարասովի խոսքով, ազդել է կամավորների հոգեբանական վիճակի վրա, հետազոտության ընթացքում առաջացել են կոնֆլիկտային իրավիճակներ, մեծացել է հուզական լարվածությունը, ուստի աշխատանքին միացել են նաեւ հոգեբանները, որպեսզի նվազեցնեն բարդ պայմաններում առաջացած լարվածությունը: Սակայն շուտով կամավորները կվերադառնան սովորական կյանքին, ճշտել Է նա: Այդ փուլում եւս նրանց առողջական վիճակի նկատմամբ հսկողություն կսահմանվի. բժիշկները կգնահատեն, թե ինչպես է իրեն դրսեւորում իմունիտետը:

Այս թեմայով Սի Ցզինպինը 10 տարվա ընթացքում առաջին անգամ պետական ​​այցով կժամանի Միացյալ Նահանգներ Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը ԻՀՊԿ. Գերմանիայում կայացած գաղտնի հանդիպման ժամանակ որոշվել է ռազմական գործողություններ ձեռնարկել Իրանի և Եմենի դեմ  Արթիկում՝ 4 քաղաքական ուժ, Ախուրյանում՝ 1․ ավարտվել են ՏԻՄ ընտրությունների առաջադրումները ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն