Շոկոլադի համաշխարհային օր

Ամեն տարի հուլիսի 11-ին քաղցրավենիքի սիրահարները նշում են Շոկոլադի համաշխարհային օրը (World Chocolate Day): Այս համեղ տոնը հորինել եւ առաջին անգամ անցկացրել են ֆրանսիացիները՝ 1995 թվականին:

Համարվում է, որ առաջինը ացտեկներն են սովորել շոկոլադ պատրաստել։ Նրանք այն անվանում էին «աստվածների սնունդ»: Իսպանացի նվաճողները, որոնք առաջին անգամ բերել են այն Եվրոպա, քաղցրավենիքը «սեւ ոսկի» են անվանել եւ այն օգտագործել են ֆիզիկական ուժն ու դիմացկունությունը ամրապնդելու համար:

Որոշ ժամանակ անց Եվրոպայում շոկոլադի օգտագործումը սահմանափակվել է միայն արիստոկրատական շրջանակներով: Միայն 20-րդ դարի սկզբին արդյունաբերական արտադրության հետ շոկոլադը կարողացել են վայելել նաեւ արիստոկրատիային չպատկանող մարդիկ։

Շոկոլադի օրը տարբեր երկրներում անցկացվում են փառատոներ եւ այս քաղցր տոնին նվիրված այլ միջոցառումներ: Հատկապես հետաքրքիր է այդ օրը այցելել գործարաններ, կամ հրուշակեղենի ձեռնարկություններ, որոնք արտադրում են շոկոլադեղեն: Այստեղ է, որ բոլոր ցանկացողներին պատմում են, թե ինչպես եւ ինչից է շոկոլադը պատրաստվում, անցկացվում են տարբեր մրցույթներ եւ համտեսումներ, շոկոլադե արտադրանքների ցուցահանդեսներ եւ նույնիսկ վարպետաց դասեր, որտեղ կարող եք փորձել ձեզ շոկոլադ պատրաստողի դերում։

Այս թեմայով Նավթի համաշխարհային գների նոր թռիչքը դարձավ անխուսափելի. հնարավոր է 150 դոլարից անցումը Հուսիթական շարժումը փաստացի վերածվել է համաշխարհային նշանակության ռազմաքաղաքական գործոնի Շնորհիվ բկ-ի սրտացավ տնօրենի՝ այստեղ առաջին բուժօգնությունը իրականացվում է վարկյանների ընթացքում՝ անկախ սոցիալական կարգավիճակից Հուսիթները նավթի համաշխարհային գների նոր թռիչք առաջացրեցին Ալագյազը իր զարգացման ծաղկուն շրջանն է ապրել հատկապես 2018թ-ից հետո. .«Հայաստանյան տուրիստական գրավչություն» հաղորդաշարը Ալագյազ համայնքում է