Սա քաղաքական գործչին ոչ հարիր բառապաշար է. Շուշան Դոյդոյանն Ալեն Սիմոնյանի հայտարարության մասին

Օրերս ԱԺ փոխնախագահ Ալեն Սիմոնյանը կրկին անգամ լրատվամիջոցների հասցեին բազմաբովանդակ վիրավորանքներ հնչեցրեց, նախ նշելով, թե հայաստանյան լրատվամիջոցները ծրարով ինչ-որ փողեր են ստանում, ապա լրագրողներին կոչ արեց հետևյալը ` Թարգե՛ք այս թեման, ամո՛թ է: Ամո՛թ է, որպես լրատվամիջոց: ԱԺ փոխնախահագը նաև լրատվամիջոցներին մեղադրեց ոչ անաչառ աշխատանքի մեջ նշելով հետևյալը.

Ալկոգել ենք առնում մեր ջեբից, մեր փողից, բաժանում ենք քաղաքացիներին: Խի՞ չեք գրում:

Ինչ խոսք այսօրինակ վիրավորանքների և զրպարտությունների շարքը զայրույթ առաջացրեց լրագրողական համայնքում:

Այս մասին զրուցեցինք Ինֆորմացիայի ազատության կենտրոնի ղեկավար Շուշան Դոյդոյանի հետ:

Շուշան Դոյդոյանն իր խոսքում նշեց հետևյալը.

Կարծում եմ՝ քաղաքական գործչին ոչ հարիր բառապաշարով ու կոնտենտով է հանդես եկել պատգամավորը: եթե կա կոնկրետ մեղադրանք, պետք է հնչեցնել՝ նշելով լրատվամիջոցի անվանումը, իսկ նման կերպ հեղինակազրկել մասնագիտությունն ու լրագրողների աշխատանքը, անընդունելի է:

Դոյդոյանը նաև նշեց, որ շարունակական գնահատականները կաշառքի ու ծախվածության մասին անանուն ու անհասցե, միայն հարվածում են մամուլի հեղինակությանը:

Մեր այն հարցին, թե լրատվամիջոցները կարո՞ղ են արդյոք դատական գործ ներկայացնել ընդդեմ Ալեն Սիմոնայանի, մեր զրուցակիցը պատասխանեց.

Ոչ չեն կարող, քանի որ չկա կոնկրետ անձի կամ անձանց խմբին ուղղված վիրավորանք կամ զրպարտություն: Չկա կոնկրետություն: Նույանականցում պետք է լինի ուղղակի, կամ անուղղակի:

Հայկ Գևորգյան 

Այս թեմայով Բեռլինի օդանավակայանը հայտարարել է անօդաչու թռչող սարքի մասին տագնապ. Bild Ինչու է ՔՊ-ն դանդաղում իր որոշումների մեջ.ո՞վ կասի.... Ինչ նոտարական փաստաթուղթ է իրականում ստորագրել Հարությունյանը Բաքվի բանտում 8000 արցախցի ստացել է բնակարանի սերտիֆիկատ, բայց իրացվել է միայն 4000-ը. Գեղամ Ստեփանյան Նման նշանները վկայո՞ւմ են խոշոր պատերազմի մոտենալու մասին (Տեսանյութ)