Սպառնացող վտանգ, թե՞ դավադրության տեսություն. իշխող խմբակցության պատգամավորը կողմ է չիպավորվելուն

ԱԺ «Իմ քայլը» խմբակցության պատգամավոր Արմեն Փամբուխչյանը սոցցանցում գրել էր, թե իր շատ վաղեմի ծանոթներիցս մեկն անդրադառնալով ստեղծված իրավիճակին` ասել է, թե «էս ամենն արվում ա մեզ չիպավորելու համար»: Ի պատասխան` իշխող խմբակցության պատգամավորը հեգնել էր` նշելով. «Ես կողմ եմ ինձ չիպավորելուն, քանի որ առանց չիպի, էս ամենի ձեռն իրոք կգժվենք»: Ի վերջո, մարդկանց չիպավորումը կամ, այսպես ասած, 5G-ին, իրական սպառնացող վտա՞նգ է, թե՞ ֆանտազիայի ժանրից, «Իրավունքը» պարզեց «Մեկ առողջություն» կոալիցիայի ղեկավար, միջազգային փորձագետ ԳՐԻԳՈՐ ԳՐԻԳՈՐՅԱՆԻՑ:

– Ամեն ինչ այդքան պարզ չէ: Նախ դրա հեղինակները եւ ապոլոգետները, որոնք քարոզում են այն, անունը դնում են ոչ թե չիպ, այլ առողջության էլեկտրոնային սերտիֆիկատ: Այլ հարց է, թե ինչին է այն ծառայում եւ մեր սուրբ հավատքն ինչ է ասում այդ մասին: Այն մարդիկ, ովքեր հենց այս թեմայի մասին խոսում են, ասում են` դավադրության տեսություն է, թող իմանան, որ սատանայի ամենամեծ հնարքն այն է, որ ժողովրդին համոզի, թե վտանգը գոյություն չունի: Դրա համար էլ ով բարձրաձայնում է խնդիրների մասին, ասում են` դավադրության տեսություն է: Ո՛չ, այդպես չէ, որովհետեւ ակնհայտ տեսնում ենք, թե ինչ է կատարվում: Եթե 10 տարի առաջ խոսվեր այդ մասին, հնարավոր էր ամբողջը  վերագրել դավադրության տեսությանը, բայց այսօր արդեն կան մարդիկ, որոնք հայտարարում են այդ մասին: Իհարկե, ընդգծում են, որ բարի նպատակով է, հիվանդություների չտարածման համար է եւ այլն, բայց կզարմանայի, որ ասեին, թե  մենք ուզում ենք բոլորիդ ուղղակի հսկողության տակ պահել: Ամեն դեպքում, այս թեման դեռ ուսումնասիրության փուլում է ու չէի ցանկանա ամպագորգոռ հայտարարություններ անել` չունենալով որոշակի փաստեր: Բայց այն, որ այդ իդենտիֆիկիացումը` կլինի միկրոչիպի, կապսուլի, թե այլ տեսակի սուբստանցիայի կամ տատուի տեսքով, որը ցանկանում են մարդու օրգանիզմին կցել, ինձ թվում է` արդեն իսկ այդ միտումները չեն թաքցնում: Այլ հարց է, թե ինչ ազդեցություն այն կարող է ունենալ եւ որքանով է ընդունելի առաջին քրիստոնյա ժողովրդի համար:

– Փաստորեն, չեք ասում` աշխարհի ամենամեծ ծրագրային ապահովման ընկերության նախագահ Բիլ Գեյթսն ո՞ւմ շունն է, որ մեզ էլ չիպավորի՞:

– Բիլ Գեյթսն ընդամենը մի միավոր է այդ ամբողջ խմբավորման մեջ: Ուղղակի, նրա անունն է դուրս եկել: Մեզ մոտ էլ քաղաքական այլանդակություններով, հայրենադավ գործունեությամբ զբաղված խմբավորում կա, ու բոլորն ասում են` Նիկոլ Փաշինյանն է: Բայց երբ նայում ենք այդ խմբավորմանը, տեսնում ենք, որ իրենք միայն ԱԺ մեծամասնությունն ու կառավարությունը չեն, այստեղ շատ այլ խաղացողներ կան: Օրինակ, իրավապաշտպաններ, գետնին պառկողներ եւ այլն, սա մի ամբողջ ցանց է, որը շատ խնամքով կերակրվում էր, աճեցվում եւ գործում էր` սղոցելով մեր հանրապետության հիմնասյուները եւ մի հրահանգով միացավ: Իհարկե, համեմատելի չէ Բիլ Գեյթսի եւ նրա շրջապատի հետ, բայց այնտեղ էլ մի ամբողջ խումբ է գործում: Նույն Ջորջ Սորոսն այդ տխրահռչակ խմբի անդամ է: Պետք է ավելի լուրջ նայել այս ամենին, փորձել հիմնավորումներ բերել, այլ ոչ թե ծաղրել, որովհետեւ վտանգի մասին բարձրաձայնողը միայն իր համար չի ասում, այլ` բոլորի:

ՀՐԱՆՏ ՍԱՐԱՖՅԱՆ

Հ.Գ.- Հարցազրույցն ամբողջությամբ դիտե՛ք տեսանյութում.

Այս թեմայով Վազգեն եպիսկոպոս Միրզախանյանը վերջին հարցազրույցներից մեկում շնությունը (պոռնկությունն) անվանել է բնական մեղք Անխափան աշխատանք եւ անձնական երջանկություն հարգելի գործընկեր ՀՐԱՏԱՊ. Աշխարհի մասշտաբով բազմաթիվ կայքեր ժամանակավորապես կանգնել կամ դանդաղել են Ասում էին՝ «օգոստոսի 8»-ինը հակառուսական որոշում է, ես ասում էի՝ ո'չ, նոր հնարավորություն է Չկա՛ն թշնամիներ և չկա՛ն բարեկամներ, կան ուղղակի միջազգային հարաբերություններ. Նիկոլ Փաշինյան