Իտալիայում 2 կալանավոր ընտանեկան խնդիրների լուծման համար բանտից փախել են՝ խոստանալով 2 շաբաթից վերադառնալ

Իտալիայի բանտերից մեկում երկու կալանավոր փախուստի են դիմել, սակայն իրենց հետևից նաև նամակ են թողել՝ խոստանալով երկու շաբաթից վերադառնալ բանտախուց, հայտնում է odditycentral.com կայքը։

Աղբյուրը մանրամասնում է, որ հունիսի 2-ի գիշերը Հռոմի «Ռեբիբա» բանտում իրենց պատիժը կրող Դավադ Զուկանովիչ և Լիլ Ահմետովիչ անունով զարմիկները մի շարք արգելքներ հաղթահարելուց հետո կարողացել են դուրս գալ բանտախցից: Հատկանշական է, որ նրանք իրենց հետևից նամակ են թողել՝ նշելով, որ պատրաստվում են 15 օրից բանտ վերադառնալ։

Գրության մեջ ներկայացվում է, որ տղամարդիկ այդ քայլին են գնացել «իրենց՝ կեղտոտ գործերի մեջ թաթախված երեխաներին փրկելու համար»: Նրանք պարզաբանել են, որ իրենցից բացի որևէ մեկը չէր կարող օգնել երեխաներին, քանի որ իրենց կանայք էլ են ճաղերի հետևում գտնվում։ Նամակի վերջում տղամարդիկ խոստանում են անձնական խնդիրների լուծվելուն պես վերադառնալ և դատարանի առաջ կանգնել։

Նշվում է, որ ոստիկանությունը վստահ է, որ նամակի հեղինակներն իսկապես բանտարկյալներն են, քանի որ այն հենց նրանց բանտախցում է հայտնաբերվել և առկա են տղամարդկանց մատնահետքերը: Միևնույն ժամանակ իրավապահները վստահ չեն՝ արդյոք տղամարդիկ իրենց խոստումը պահեն և կվերադառնան բանտախուց։

Այս թեմայով Գեւորգ Սուջյանը նորություն ունի Հորոսկոպ սեպտեմբերի 19-ի համար. անկեղծ զրույց՝ Խոյերին, անհաջողություն՝ Առյուծներին Ռուսները ոչնչացրել են Ուկրաինայի զինված ուժերի համար բեռներ տեղափոխող եւս հինգ բեռնանավեր (Տեսանյութ) Թող ՔՈ ճանապարհը միշտ լինի հաղթանակերով լի, իսկ սիրտդ՝ խաղաղ ազնվագույն գերդաստանի արժանի ժառանգ Ռուսաստանը Իրանին տրամադրել է արբանյակային տվյալներ՝ ամերիկյան բազաներին հարվածների համար. CNN