ՀՀ ԱԺ-Ի ՌՈՒՍ ՊԱՏԳԱՄԱՎՈՐ. «ԱՅՈ, ԵՍ ԳՏՆՈՒՄ ԵՄ, ՈՐ ԼԱՆԶԱՐՈՏԵԻ ԿՈՆՎԵՆՑԻԱՆ ՄԵԶ ՊԵՏՔ Է»

«Հայ-ռուսական հարաբերությունները դինամիկ եւ զարգացող են, ինչպես միշտ եղել է: Այդ հարաբերությունները կասկածի տակ դնելն աբսուրդ է»: «Իրավունքի» հետ զրույցում անդրադառնալով հայ-ռուսական հարաբերություններին` նման ցնցող հայտարարություն արեց «Իմ քայլը» խմբակցության ռուս պատգամավոր ԱԼԵՔՍԵՅ ՍԱՆԴԻԿՈՎԸ:

– Իրո՞ք կարծում եք, որ հայ-ռուսական հարաբերությունները այնպիսին են, ինչպես որ միշտ եղել են:

– Այո, դա դուք` լրագրողներդ եք նման թեմաներ շահարկում:

– Ես շահարկող ինչ-որ բան ասացի՞, իմ հարցի մեջ նման ենթատեքստ տեսա՞ք:

– Դուք չէ, առհասարակ նկատի ունեմ: Իսկ խնդիրներ գլոբալ առումով, այո, չկան:

– Իսկ ոչ գլոբալ առումո՞վ էլ չկան:

– Բնականաբար այս կամ այն պարագայում առաջանում են աշխատանքային հարցեր, որոնք կոնստուկտիվ քննարկման ճանապարհով լուծվում են: Այսքանը կարող եմ ասել էս թեմայով:

– Պարոն Սանդիկով, Դուք այն պատգամավորներից եք, ով կողմ քվեարկեց Լանզարոտեի հայտնի կոնվենցիային ¥ու տեսնես ինչպես դրան կնայեն պարոն Սանդիկովի պատմական հայրենիքում՝ ՌԴ-ում, որտեղ եւս մասնավորապես Լանզարոտյան կոնվենցիան համարվում է այլասերվածության տարածում- Հեղ.¤: Դուք ծանոթացե՞լ եք այդ կոնվենցիայի դրույթներին` մինչ քվեարկությունը:

– Այո, ես գտնում եմ, որ Լանզարոտեի կոնվեցիան մեզ պետք է: Պարզապես, հաշվի առնելով մեր մենթալիտետը, ավանդական մտածելակերպը փոքր-ինչ վերապահումով ենք վերաբերվում այդ հարցին:

– Ոչ թե մի փոքր, այլ առհասարակ չի ընկալվում մեր հասարակության կողմից:

– Ես այդ կարծիքին չեմ, ոչ մի ուսուցիչ, ոչ մի ծնող սկզբունքորեն դեմ չի լինի, եթե ամեն մի երեխայի պրոֆեսիոնալ մանկավարժը մատուցի սեռական դաստիարակության վերաբերյալ անհրաժեշտ գիտելիքներ:

– Ովքե՞ր են այդ պրոֆեսիոնալ մանկավարժները, պարոն Սանդիկով, չլինի՞, օրինակ, ԼԳԲՏ քարոզողները, ովքեր շատ լավ տիրաժավորում են այդ կոնվենցիայի դրույթները՝ դրական լույսի ներքո:

– Ո՛չ ՀԿ-ները, ո՛չ Ձեր նշած անձինք մեր երկրում մեծամասնություն չեն եղել, չեն էլ լինելու: Իսկ ՀՀ-ի կրթության պատասխանտու մարմինը թույլ չի տա այլ դրսեւորումներ:

– Փաստորեն, այն մանկավարժները, ծնողները, որոնք մտահոգ են, Ձեզանից ու Ձեր թիմակիցներից քի՞չ են հասկանում:

– Ես գտնում եմ, որ նախարարությունը ամեն ինչ անելու է, որպեսզի մեր երեխաները ստանան պատշաճ կրթություն` երեխաների նկատմամբ սեռական բռնությունը կանխելու համար: Մնացած բոլոր հուզական, էմոցիոնալ, ազգային, ավադական, չգիտեմ ինչ հարցերով պայմանավորված անհանգստություններն իհարկե լսելի են: Բայց ոչ մի բան մեզ չի կարող կանգնեցնել՝ երեխաների նկատմամբ բռնության գործողությունները կանխելու միջոցառումների հարցով:

– Նորմա՞լ է, որ 9-12 տարեկան երեխաները փոխհամաձայնության արդյունքում առաջին սեռական հարաբերությունն ունենան:

– Ես նման բան չեմ տեսել, վերջ, այս թեմայով: Եթե այլ հարցեր ունեք:

– Ունեմ, իհարկե, օրինակ` ինչո՞ւ  իշխանությունը չի արձագանքում Միքայել Մինասյանի` առերեւույթ հանցագործություն պարունակող տեսանյութերին:

– Եթե Ձեր նշված անձը որեւիցե հանցագործության մասին տեղեկություն ունի, կարող է դիմել իրավապահ մարմիններին:

– Մամուլի միջոցով է դիմում:

– Շատ կներեք, բայց ես խոհանոցային վիդեոները չեմ նախընտրում նայել: Շնորհակալություն:

Զրույցը` ԻԼՈՆԱ ԱԶԱՐՅԱՆԻ

Այս թեմայով Մոսկվան ողջունում է Երևանի և Բաքվի միջև էներգետիկ համագործակցության վերսկսումը․ Ալեքսեյ Շևցով «Ռոսատոմը» առաջարկում է Հայաստանում կառուցել մեծ կամ միջին հզորության ատոմակայան․ Լիխաչով «Իրավունք» թերթը հերթական հաղթանակը գրանցեց՝ շնորհիվ տարիների փորձառությամբ հայտնի «Լեվ Գրուպ»-ի պրոֆեսիոնալների Սրանք դեռ ծաղիկներն են, Նիկոլ հայադավի թունավոր պտուղներն՝ առաջիկայում Նիկոլ Փաշինյանը, դու այն եզակի խիզախ լրագրողներից էիր, որ անշահախնդիր լուսաբանում էիր իրավական գործառույթներս, այսօր ես քեզ չեմ ճանաչում.Հայտնի փաստաբանը դիմում է վարչապետին