Հայաստանում հուլիսի առաջին տասնօրյակում կբացվի «Կալաշնիկով» ինքնաձիգներ արտադրող գործարանը

Հայաստանում հուլիսի առաջին տասնօրյակում կբացվի «Կալաշնիկով» ինքնաձիգների ԱԿ-103 տարբերակի արտադրության գործարանը։  Այս մասին պաշտոնապես հայտարարել է Ռուսաստանի ռազմատեխնիկակն համագործակցության դաշնային ծառայության խոսնակ Մարիա Վորոբյովան։

«Արտադրության ծավալը կկազմի տարեկան մինչեւ 50000 արտադրանք։ Լիցենզիայի գործողության ժամկետը 10 տարի է», - ասել է նա ։

Վորոբյովան նաև նշել է, որ Հայաստանում ԱԿ-103 ավտոմատների փուլային հավաքման կազմակերպման համար կոմպլեկտավորող ապրանքների մատակարարման պայմանագիրը կնքվել է 2020 թվականի մայիսի 15-ին։

Հայաստանում արտադրությունն իրականացվելու է երկու փուլով։ Սկզբնական շրջանում դա լինելու է հավաքում։ Ռուսաստանից դետալները բերվելու են, Հայաստանում հավաքվելու են ամբողջական զենքերը, իսկ երկրորդ փուլը ենթադրում է ռուսական տեխնոլոգիաների տրամադրում՝ դետալների մի մասը Հայաստանում արտադրելու համար։

Այս թեմայով 4.5 տարվա ընթացքում Ռուսաստանի եւ Գերմանիայի արտգործնախարարներն առաջին անգամ հանդիպել են Չէ՞, հա, իրո՞ք. Գեւորգ Սուջյանի պատասխանը Ալիեւին «Փաստ». Ո՞վ և ինչպե՞ս է Հայաստանում ձևավորում հակառուսական նարատիվները Սի Ցզինպինը 10 տարվա ընթացքում առաջին անգամ պետական ​​այցով կժամանի Միացյալ Նահանգներ Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար