Որեւէ բան որոշման մեջ չտեսա, որը ուղիղ հիմնավորեր մեղադրող կողմի որեւէ փաստարկ. Ռուբեն Մելիքյանը ՄԻԵԴ խորհրդատվական կարծիքի մասին. «Իրավունք TV»

«Թե ինչ ուղղորդումներ է ՄԻԵԴ-ը տվել ՍԴ-ին, փորձեմ  կարճ ներկայացնել: Որեւէ բան ես այդ որոշման մեջ չտեսա, որը ուղիղ հիմնավորեր մեղադրաող կողմի որեւէ փաստարկ, բացառությամբ մեկից: Այդ փաստարկը հետեւյալն է. տեսականորեն հնարավոր է, որ 2008թ.-ին տեղի ունեցած իրադարձությունների համար 2009թ. օրենքով իրականացվի քրեական հետապնդում: Սա էր այն դրույթը, որը մեղադրանքի կողմի համար բավական ընդունելի էր»,- «Իրավունք TV»-ի հետ զրույցում նման տեսակետ է հայտնել «Իրավական ուղի» հկ-ի համահիմնադիր, իրավապաշտպան ՌՈՒԲԵՆ ՄԵԼԻՔՅԱՆԸ, նկատելով.
- Բայց հակառակ կողմի մասով բազմաթիվ էին նման դրույթները: Մասնավորապես` տեսականորեն հնարավորի կողքին կային շատ խիստ չափանիշներ, թե այդ «հնարավոր է»-ն որ դեպքում կարող է վերածվել «իրավաչափի»: Մի շատ կարեւոր հանգամանքի եմ ուշադրություն ուզում դարձնել. ՄԻԵԴ-ն ասում է` այ, Ձեր բարձրացրած հարցին ես ուղիղ պատասխան չունեմ, բայց դրան մոտ գործով այս-այս-այս մեթոդաբանությունն եմ կիրառել, եւ կարծում եմ` ձեր դեպքում նույնպես հնարավոր է այն կիրառել: Սա շատ կարեւոր է, որպեսզի հասկանանք, թե ՄԻԵԴ-ը ո՞ր միտումն է համարում առավել կարեւոր:
Շատ կարեւոր եմ համարում երրորդ կետը, որտեղ ասվում է, որ օրենքի հետադարձելիությունը կարող է բացառիկ դեպքերում թույլատրելի լինել, եթե անձը, թեկուզ իրավաբանական օգնություն ստանալով, թեկուզ իրավաբաններին դիմելով, կարող էր կանխատեսել, որ իր իքս գործողությունները կարող են ապագայում հանցագործություն համարվել: Տվյալ դեպքում երկրորդ նախագահը պետք է 2008թ.-ին կարողանար կանխատեսել, որ իր գործողություններն ինչ-որ ժամանակ անց կարող են համապատասխանել սահմանադրական կարգը տապալելու հանցակազմին: Սա շատ կարեւոր չափանիշ է, որը տալիս է ՄԻԵԴ-ը:

Մանրամասները տեսանյութում

Այս թեմայով Ուկրաինական աղբյուրները հայտնում են Կիևում շատ հզոր պայթյունի մասին Երեք տարի գերության մեջ. Արայիկ Հարությունյանը, Ռուբեն Վարդանյանն ու մյուս հայերը շարունակում են ապօրինի պահվել Ադրբեջանում «Եվրոպան խուճապի մեջ է՝ տեսնելով Ուկրաինայի մոտալուտ պարտությունը». ԿՀՎ-ի նախկին բարձրաստիճան պաշտոնյա 6 տարի առաջ այս օրը ընկան հազարավոր ՏՂԱՆԵՐ Ո՛չ Կառավարությունը պետք է դառնա եկեղեցական ժողով, ո՛չ Եկեղեցին՝ կառավարություն