Վարչապետը չունի լիազորություն սոցիալական կայքերում նման թեմաներով հանդես գալու. Գոհար Մելոյան

Երեկ ՀՀ վարչապետ Նիկոլ Փաշինյանը ֆեյսբուքյան տիրույթում կրկին անհասկանալի ակտիվություն էր ցուցաբերում: Վարչապետ Փաշինյանը երեկվանից իր ֆեյսբուքյան էջում լուսանկարներ և տեսանյութեր է հրապարակում, որտեղ հստակ պատկերված է հանրային հոծ բազմություն:Կարծես թե այս կերպ վարչապետ Փաշինյանը փորձում է կանխել մարդկային կուտակումները, գործադրելով որոշակի հոգեբանական ճնշում: Կան նաև տեսակետներ, որ այս ամենն ուղղակի մարդու իրավունքերի ոտնահարում է, ու ահա վարչապետ Նիկոլ Փաշինյանը հերթական անգամ փորձում է հատել մարդու իրավունքների սահմաններըՙ անձնական տիրույթ մտնելով:

Այս մասին Iravunk.com-ը զրուցեց սահմանադրագետ Գոհար Մելոյանի հետ, հասկանալու, թե արդյոք չի ոտնահարվել քաղաքացիների սահմանադրական իրավունքը:

Ըստ սահմանադրագետի` եթե նպատակը կոնկրետ իրավախախտում ֆիքսելն է, ապա ըստ էության այս կոնտեքստում լուսանկարը անձնական տվյալ չի համարվում: Արտակարգ դրության պարագայում այս ամենը կարելի է համեմատել նաև մեքենաների վարորդների հետ: Օրինակ` երբ ավտոմեքենայով վարորդն օրենսդրական խախտում է կատարում, ապա քաղաքացին այդ իրավախախտման պահին կարող է շատ հանգիստ լուսանկարել այդ ամենը: Այս պարագայում ևս նպատակը իրավախախտում ֆիքսելն է:

Սահմանադրագետ Գոհար Մելոյանի կարծիքով` վարչապետի կողմից նման քայլը կարելի է դիտարել ավելի շատ բարոյական իրավունքների ոտնահարում: Փորձագետի պնդմամբ` Նիկոլ Փաշինյանի պահվածքն ուղղակի բարոյական հարձակում է: Բարոյական հարթության մեջ եթե որոշ հարցեր դիտարկենք, ապա առնվազն անհասկանալի էր Արցախում Նիկոլ Փաշինյանի և այլ իշխանության ներկայացուցիչների մասնակցությամբ հյուրասիրությանը, այն դեպքում, երբ ներկաները դիմակ և ձեռնոց չէին կրում, նաև չէին պահպանում սոցիալական հեռավորություն:

Ըստ Գ. Մելոյանի` հանրության համար արդեն սովորական է, որ Նիկոլ Փաշինյանն ամեն ինչի մասին խոսում է ֆեյսբուքյան լայվերի միջոցով: Երկու տարի շարունակ օրինականության իրավունքն էապես ոտնահարվում է Հայաստանում:

Գոհար Մելոյանը նաև նշում է, որ վարչապետը լիազորություն չունի սոցիալական կայքերում նման թեմանրով հանդես գալու, այն դեպքում, երբ կա պարետ և պարետատուն:

Հայկ Գևորգյան 

Այս թեմայով Ո՛չ Կառավարությունը պետք է դառնա եկեղեցական ժողով, ո՛չ Եկեղեցին՝ կառավարություն Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան Իրանական աղբյուրները հետաքրքիր դրվագ են ներկայացնում Փաշինյանի եւ Փեզեշքյանի հանդիպումից (Տեսանյութ) ՇՏԱՊ. Հակակոռուպցիոն կոմիտեն մտավ Աբովյանի համայնքապետարան. Բաբայան Էդոյի գործը «բուրդ է» Ձախողվեց մեր պետության զավթման ծրագիրը. Փաշինյանի ելույթը ՄԱԿ-ում