«ՍՐԱՆՔ ԻՐԱՎԱԲԱՆ ՉԵՆ, ՍՐԱՆՔ ԿԱՄԱԿԱՏԱՐՆԵՐ ԵՆ»

«Մինչ Նիկոլ Փաշինյանը ՀՀ վարչապետ է, Ռոբերտ Քոչարյանի գործով օբյեկտիվ դատավարություն ակնկալելը անարդյունք է»: «Իրավունքի» հետ զրույցում, անդրադառնալով Ռոբերտ Քոչարյանի գործով դատավարությանը, նման կարծիք հայտնեց երկրորդ նախագահի փաստաբանական թիմի անդամ ՌՈՒԲԵՆ ՍԱՀԱԿՅԱՆԸ` ընդգծելով. «Եթե անգամ Աստված իջնի եւ ասի՝ ոչ, չկա հանցակազմ, գլխավոր դատախազությունը, ի դեմս գլխավոր դատախազի, կասի, որ կա: Սրանք իրավաբան չեն, սրանք կամակատարներ են, ինչ ասել»:

Անդրադառնալով ՄԻԵԴ խորհրդատվական կարծիքին` որի վերաբերյալ դատախազությունը մասնավորապես ասել էր. «Մեծ պալատի կողմից տրված խորհրդատվական կարծիքը գալիս է հիմնավորելու, որ մինչ այս քրեական հետապնդման մարմինների կողմից իրականացված գործողությունները եղել են ու շարունակում են մնալ իրավաչափ», մեր զրուցակիցը կարճ ասաց. «Շուտով փաստաբանական թիմը մանրամասն կանդրադառնա դատախազության կողմից առաջ քաշած այդ հարցերին»:

Նշենք նաեւ, որ ըստ մեր տվյալների, երկրորդ նախագահի թիմում կա այն վստահությունը, որ ՄԻԵԴ-ի որոշումը միանգամայն դրական է Քոչարյանի համար: Սակայն փաստաբանական թիմը, քանի  որ դեռ միայն այսօր-վաղը կունենա վերջնական թարգմանված տարբերակը, միայն դրա ուսումնասիրությունից հետո կտա լիարժեք գնահատական: Նաեւ կան տվյալներ, որ Սահմանադրական դատարանում եւս սպասում են պաշտոնական թարգմանության վերջնական տարբերակին: Բայց նաեւ, ըստ աղբյուրի, այնտեղ եւս այն նախնական տրամադրությունները կան, որ ՄԻԵԴ-ի որոշումն  իրականում հենց այն է, ինչի մասին այսքան ժամանակ պնդում են Քոչարյանի փաստաբանները:

ԻԼՈՆԱ ԱԶԱՐՅԱՆ

Այս թեմայով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Իշխանության հաբրգելու դեմն առնելու միակ ձևը ԵՄ կառույցների կողմից արձագանքն է, որը չկա. Լեվոն Քոչարյան Փաշինյանը բարդույթ ունի մեր ընտանիքից. Լեվոն Քոչարյան Բրյուսել է՛լ կգնանք, Ստամբուլ է՛լ, Մոսկվա է՛լ, ՀՀ արտաքին քաղաքականությունը չի լինի թույլտվությամբ․ Ռուբինյան Էդ ձեր ասած սպանությունների ժամանակ Ռուբեն Մխիթարյանը 12 տարեկան երեխա ա էղել, ի՞նչ հարցեր էիք տալիս