ԱՐՑԱԽՈՒՄ ՓԱՇԻՆՅԱՆԻ ՀԵՏ ՇՓՈՒՄ ՈՒՆԵՑԱԾ ՇՐՋԱՆԱԿԸ ԹԵՍՏԱՎՈՐՎԵԼ Է

Մամուլում երեկ ակտիվորեն քննարկվում էր, որ հնարավոր է` ՀՀ վարչապետն ու իր տիկինն Արցախ են մեկնել կորոնավիրուսով վարակված եւ կարող էին Արցախի նախագահի երդմնակալության արարողության, ինչպես նաեւ դրան հաջորդած խնջույքի ժամանակ վարակել այլ անձանց: Թե արդյոք այս ուղղությամբ Արցախի Հանրապետության պարետատունը որեւէ քայլեր ձեռնարկել է, «Իրավունքը» հետաքրքրվեց ԱՀ պետական նախարարի աշխատակազմի տեղեկատվության եւ հասարակայնության հետ կապերի բաժնի վարիչ, պարետատան խոսնակ ՍԱՄՎԵԼ ԲԱԼԱՅԱՆԻՑ:

– Պարոն Բալայան, պարետատունն արդյոք ճշտել է այն շրջանակը, ում հետ շփվել է ՀՀ վարչապետն Արցախում, եւ նրանք պարտադիր թեստավորում անցե՞լ են, թե` ոչ:

– Պարետատունը ճշտել է ՀՀ վարչապետի հետ շփման շրջանակը: Նրանք թեստավորվել են եւ, բարեբախտաբար, արդյունքները բացասական են:

– Այս պահին Արցախի պետական ապարատում պաշտոնատար անձանց կորոնավիրուսով վարակված դեպքեր կա՞ն: Եթե` այո, ապա ո՞ր պաշտոնյաներն են, եւ արդյոք նրանք շփում ունեցե՞լ են ՀՀ վարչապետի հետ:

– Արցախի պարետատունը հաստատված դեպքերի վիճակագրությունը ամենօրյա ռեժիմով ներկայացնում է, բացառություն չէ նաեւ պաշտոնյաների հնարավոր վարակվածության մասին տեղեկատվությունը: Ինչպես գիտեք, ՀՀ վարչապետի հետ Արցախում շփվել է նաեւ նախագահ Արայիկ Հարությունյանը, ով թեստավորվել, եւ նրա մոտ վարակ չի հաստատվել:

ՀՐԱՆՏ ՍԱՐԱՖՅԱՆ

Այս թեմայով Այն ճանապարհը, որն ընտրել է Հայաստանի իշխանությունն ու այդ իշխանությանն ընտրած ժողովուրդը, անհամատեղելի է Արցախ ունենալու հետ. Սամվել Շահրամանյան 6 տարի առաջ այս օրը ընկան հազարավոր ՏՂԱՆԵՐ Արցախյան գեներալիտետից ոչ մեկ մոտ չի գալիս. Ինչ են պլանավորում արցախահայերը Վեճ՝ արցախցիների հարցով քննարկման ընթացքում․ ՔՊ-ն լքեց դահլիճը․ «Չեմ հասկանում՝ ով է հարցը լուծելու» Անբարոյական մոտեցում է, եթե ՊՆ նախարարը գտնում է, որ բանակի ողբերգական դեպքերում իր մեղքը չկա