2018-ի «հեղափոխությունից» հետո Հայաստան տեղափոխվածները, հիմա անհապաղ ուզում են ՌԴ վերադառնալ. քաղաքագետ

Արխիվ 16-20 31 Մայիս, 2020 11:25

Մինչ «Դոմոդեդովո» օդանավակայանում կուտակված հայերը փորձում են օր առաջ վերադառնալ Հայաստան, պարզվում է՝ վերջին ամիսներին արդեն Հայաստան տեղափոխվածները ելքեր են փնտրում կրկին հետ վերադառնալու համար: Այս մասին «Իրավունքի» հետ զրույցում ուշագրավ մանրամասներ ներկայացրեց մոսկվաբնակ քաղաքագետ ՄԱՐԻԱՄ ՀՈՎՍԵՓՅԱՆԸ:

- Այն, ինչ այս օրերին կատարվում է Մոսկվայում, նույն իրավիճակն է նաեւ Հայաստանում: Իմ ունեցած տեղեկություներով՝ Ռուսաստան մեկնելու համար Հայաստանից դիմում են մարդիկ, ովքեր մոռացել էին իրենց կարմիր անձնագրի մասին եւ 2018 թվականի «հեղափոխությունից» հետո՝ եկել էին Հայաստան այդտեղ ապրելու: Մինչդեռ հիմա շատ արագ հիշել են, որ Ռուսաստանում ինչ-որ կատու ունեին, որը հղիացել է եւ անհապաղ պետք է գան Մոսկվա: Իհարկե, օրինակս, ընդունեք, որպես հումոր, բայց նկատի ունեմ այն, որ բերվում է ամենաանհեթեթ պատճառաբանությունները, եւ մարդիկ նույնիսկ անձամբ իրենց մեքենաներով պատրաստ են հետ գալ Ռուսաստան: Այսօրվա դրությամբ՝ 130 հոգի Բագրատաշենի անցակետում բողոքի ակցիաներ են կազմակերպում եւ ցանկություն հայտնում անցնելու սահմանը: Իսկ մինչ այդ ամիսներ շարունակ ՀՀ-ում ՌԴ դեսպանատան դիմաց ցույցեր էին կազմակերպում, առանց հասկանալու, որ եթե Վրաստանը չի թողնում սահմանն անցնել, ի՞նչ կարող է անել ՌԴ կամ ՀՀ կառավարությունը: Կարծում եմ՝ սա մենթալիտետի խնդիր է եւ հատկանշական է, որ երկրորդ ոչ մի ազգ, ոչ մի պետություն նմանատիպ խնդրի առաջ չի կանգնել, որ կարանտինային պայմաններում մի ազգի ներկայացուցիչները սովորականից ինտենսիվ մեկնեն:

ՀՐԱՆՏ ՍԱՐԱՖՅԱՆ

Հ.Գ.- Հարցազրույցն ամբողջությամբ կարդացե՛ք այստեղ:

https://iravunk.com/sim/?p=113175&l=am/