12 դպրոցական կպայքարի Ընթերցանության ստեղծագործական մրցույթում հաղթելու համար

Հայաստանում անցկացվող Ընթերցանության ստեղծագործական մրցույթի եզրափակիչ է անցել 12 դպրոցական։ Նրանք կպայքարեն հաղթանակի համար։ Մրցույթի եզրափակիչ փուլում ժյուրիի անդամները կանցկացնեն օնլայն հանդիպումներ յուրաքանչյուր մասնակցի հետ: Վերջիններս կպատասխանեն իրենց ընթերցած ստեղծագործությունների և էսսեի վերաբերյալ տարատեսակ հարցերի, պարզապես կզրուցեն ժյուրիի անդամների հետ։ Յուրաքանչյուր տարիքային խմբի տասներկու մասնակիցներից ժյուրին կընտրի լավագույն եռյակը․ նրանք կստանան նվերներ պլանշետների և գրքերի տեսքով, իսկ նրանց դպրոցների գրադարանները կհամալրվեն «Էդիթ Պրինտի» հրատարակած «Իմ գրադարանը» շարքի ամբողջական հավաքածուով: Մնացած երեխաները գրքեր նվեր կստանան:

Ի դեպ, մրցույթին մասնակցել է շուրջ 250 դպրոցական: Մրցույթին առանձին խմբերով հնարավորություն են ստացել մասնակցելու 3-5-րդ և 6-9-րդ դասարանի աշակերտները:

Հիշեցնենք, որ մրցույթն իրականացնում է «Էդիթ Պրինտ» հրատարակչությունը՝ ՀՀ կրթության, գիտության, մշակույթի և սպորտի նախարարության, Երևանի քաղաքապետարանի, Խնկո ապոր անվան ազգային մանկական գրադարանի, «Զարթնի՛ր» կրթական-հասարակական կազմակերպության գործընկերությամբ և «Արմսվիսբանկի» աջակցությամբ:

Նշենք նաև, որ մրցույթը գովասանքի է արժանացել բազում ծնողների ու մանկավարժների կողմից, ովքեր գոհունակությամբ փաստում են, որ այս օրերին երեխաները համակարգչով խաղեր խաղալու փոխարեն գրքեր են կարդում: Ընթերցանության ստեղծագործական մրցույթն անցկացվում է 3 փուլով:

Այս թեմայով 6 տարի առաջ այս օրը ընկան հազարավոր ՏՂԱՆԵՐ Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան «Լեվ Գրուպը» շարունակում է փաստաբանական պրոֆեսիոնալիզմի մաստեր կլաս ցույց տալ ԱՄՆ բանակը զորքեր է պատրաստում Կուբայում օպերացիայի համար. CBS News Փաշինյանը վերջնականապես Հայաստանը դարձրեց Ռուսաստանի եւ Եվրոպայի համար մարտադաշտ