ՎՏԱՆԳԻ ԺԱՄԱՆԱԿ ՄԵՆՔ ԲՈԼՈՐՍ ՊԵՏՔ Է ՄՈՌԱՆԱՆՔ ՑԱՆԿԱՑԱԾ ՍՐԻԿԱՅՈՒԹՅՈՒՆ ԵՎ ՀԱՄԱԽՄԲՎԵՆՔ

Մայիսի հաղթանակներին, մասնավորապես՝ Սարդարապատի ճակատամարտին անդրադառնալով, մեր հետ զրույցում «Արաբո» ջոկատի հրամանատար ՄԱՆՎԵԼ ԵՂԻԱԶԱՐՅԱՆԸ ասաց.

- Սարդարապատը մեր ժողովրդի փրկության պայքարն էր, երբ հայ զինվորը վերջին պահին ամուր պահեց իր հողը: Դա պարտադրված կռիվ էր: Մեզ` հայերիս, փորձեցին նսեմացնել, բայց մենք միասնական դառնալով, ցույց տվեցինք, որ հայի բազկի դեմ անզոր են ցանկացած խարդավանք: Հիմա եկել է ժամանակը, որ մենք աշխարհին ցույց տանք, որ այլեւս չենք ապրում գոյատեւելու համար, այլ ապրում ենք ապրելու եւ ստեղծելու համար: Մենք Հայաստանը պետք է դարձնենք սրբատեղի, ուխտատեղի ամբողջ աշխարհի համար:

Մեր զրուցակիցը չշրջանցեց նաեւ Ապրիլյան պատերազմը.

- Ապրիլյան պատերազմի ժամանակ ադրբեջանցիները հասկացան մի բան, որ իրենք պատերազմ երկար ժամանակ դեռ չեն կարող սկսել, որովհետեւ հայ տղամարդը, հայ զինվորը, հայ որդին կարող է ինքնապաշտպանական բնազդով հայրենիքի համար կռիվ տալ: Ապրիլյան պատերազմի ժամանակ մեր սահմանները բոլորից լավ պաշտպանեցին մեր շարքային զինվորները, որոնք կռվում էին ադրբեջանական ամենապատրաստված զորամասերի՝ հատուկջոկատայինների, հատուկգրոհայինների դեմ: Զարմանում եմ` ինչո՞ւ մենք այս մասին չենք խոսում, այլ անընդհատ ինչ-որ բաներ ենք փնտրում: Այո, բացթողումներն էլ են կարեւոր, դրանց մասին էլ պետք է խոսել: Բայց եկեք չմոռանանք, որ բացթողումների կողքին պետք է կարմիր տողով ընդգծել, որ ընդամենը երեք-չորս-վեց ամիս ծառայած մեր զինվորները կարողացան դիմակայել հատուկջոկատայինների հարձակմանը, եւ, այո, ցավալիորեն, զոհեր տալու գնով, բայց հետ շպրտեցին թշնամուն: Սա եւս մեկ փաստ է, որ մենք քաջարի ազգ ենք, եւ աշխարհը պետք է հասկանա, որ հային պաշտպանելը ոչ թե պարտականություն է, այլ՝ պարտադրանք:

Վերջում Մանվել Եզիազարյանը դիմելով սահմանում կանգնած մեր տղաներին` ասաց.

- Դիմում եմ մեր սահմանում կանգնած տղաներին, մեր հայրենասեր հայորդիներին, որ մի բան գիտակցեն` մենք տանուլ տալու Հայաստան չունենք, մոռացեք, որ դա երբեւէ կարող է լինել: Իսկ տանուլ չտալու համար միայն ու միայն մի պահանջ կա` վտանգի ժամանակ մենք բոլորս պետք է մոռանանք ցանկացած սրիկայություն, ամեն մի տականքի արած, եւ համախմբվենք մի գաղափարի շուրջ` ոչ մի գնով տանուլ չտալ երկիրը:

ԻԼՈՆԱ ԱԶԱՐՅԱՆ

Այս թեմայով Գեներալ, մի նեղացեք հայրենիքից, մի հրաժարվեք Հայաստանից. Հայտնի փաստաբանը դիմել ԽՍՀՄ գեներալին Որտե՞ղ էիք այն ժամանակ, երբ Մանվել Գրիգորյանին պետք էր ոչ թե հետմահու հերոսացնել, այլ կենդանի. Բացառիկ հարցազրույց գեներալի հայտնի փաստաբանի հետ Ժամանակը չի կանգնում, իսկ կարոտը չի փոքրանում․ Մանվել Գրիգորյանի դստեր շնորհավորանքը Քաջարանում ֆրանկոֆոն կենտրոն է բացվել Կրшկոցներ են տեղի ունեցել Էջմիածնում. հիվանդանոց տեղափոխվածը գեներալ Մանվել Գրիգորյանի դատավոր դստեր որդին է