ՀԱՆՐԱՅԻՆ ՍՆՆԴԻ ՆԿԱՏՄԱՄԲ ՎԵՐԱՀՍԿՈՂՈՒԹՅՈՒՆԸ ԲԱՑԱՐՁԱԿ ԲԱՑԱԿԱՅՈՒՄ Է. ԱՌՈՂՋԱՊԱՀՈՒԹՅԱՆ ՆԱԽԿԻՆ ՆԱԽԱՐԱՐ

«Իրավունքի» հետ զրույցում, անդրադառնալով օր օրի կորոնավիրուսով վարակված մեր հայրենակիցների թվի աճին, առողջապահության նախկին նախարար ԱՐԱՐԱՏ ՄԿՐՏՉՅԱՆԸ նման գնահատական ներկայացրեց.

- Կորոնավիրուսի տարածվածության առումով Հայաստանը հասել է մաքսիմիալ պիկին: Մենք դեռ կունենանք օրական 300-400 վարակակիրներ: Այստեղ խնդիրը ծանր հիվանդներին հնարավորինս ժամանակին եւ լիարժեք բուժօգնություն ցուցաբերելն է: Վարակվածության աստիճանը խուճապ չպետք է առաջացնի, ավելի զգոն պետք է լինենք մեծահասակների եւ հարակից հիվանդություններով տառապող մարդկանց նկատմամբ: Ուստի` պետք է, ինչպես երբեւէ, ավելի զգոն լինենք: Իսկ այսօր ի՞նչ ենք տեսնում... Տեսնում ենք, որ հանրային սննդի նկատմամբ վերահսկողությունը բացարձակ բացակայում է: Սրճարաններում երիտասարդները նստած են իրար քիթ մտած, իրար գիրկ նստած, սեղանները մոտ-մոտ դրած: Երիտասարդները չեն մտածում, որ եթե իրենք վարակը գուցե  թեթեւ էլ տանեն, բայց իրենց տանը եղած քրոնիկ հիվանդություններով ծնողների, տատիկ-պապիկների համար վիրուսը կարող է ճակատագրական լինել: Մտահոգիչ են նաեւ Երեւան քաղաքի տարածքում գործող ցայտաղբյուրները. դրանք եւս վտանգ են ներկայացնում: Մեկը մյուսի հետեւից խմում են այդ ջուրը, լվացվում են: Համաճարակի ժամանակ պետք չէր վերագործարկել ցայտաղբյուրները: Մենք Ձեզ հետ նախորդ զրույցում զգուշացրինք, որ հանրային սննդի ոլորտի աշխատանքները վերսկսելը ժամանակավրեպ է, պետք է սպասել: Չընդունվեց մեր առաջարկը, բացվեցին: Դրա համար 10 օր հետո մենք ունեցանք հիվանդացության աճ: Հիմա մենք այդ բացվելու պտուղներն ենք քաղում:  Գիտեք, առհասարակ տարրական խնդիր կա. մերոնք անցումներում սոցիալական հեռավորություն պահպանելու մշակույթ չունեն: Գոնե ցուցանակներ դնեն, մայթի վրա գծեն. տարրական բաներ են, որոնք չեն արվում: Պետք է ցուցանակների միջոցով մշակույթ սովորեցնել: Բացի այդ, նորից եմ կրկնում, հանրային սննդի նկատմամբ վերահսկողությունը բացարձակ բացակայում է:

 ԻԼՈՆԱ ԱԶԱՐՅԱՆ

Այս թեմայով Արարատ Միրզոյանը Նյու Յորքում քննարկել է Արցախից բռնի տեղահանված անձանց երկարաժամկետ ինտեգրմանն ուղղված ծրագրերը Արարատ Միրզոյանը մեկնել է ԱՄՆ՝ մասնակցելու ՄԱԿ-ի ԳԱ նստաշրջանի քննարկումներին Կյանքից հեռացել է «Արարատ-73»-ի ֆուտբոլիստ Սերգեյ Պողոսյանը Մի օր էլ Վազգեն Սարգսյանին կմեղադրի հոկտեմբերի 27-ի իրականացման մեջ․ ԸՆԿԵՐ ՓԱՆՋՈՒՆԻ Շուտով կիմանաք, ով եմ ես եւ ինչ եմ ինձնից ներկայացնում. Վահագն Մկրտչյան