Պետքարտուղարությունում մտադիր են շարունակել Իրանի «դիվանագիտական մեկուսացումը»

Միացյալ Նահանգները շարունակելու է Իրանի վրա տնտեսական ճնշման և նրա «դիվանագիտական մեկուսացման» արշավը:. հեռախոսային ճեպազրույցի ժամանակ հայտնել է ԱՄՆ Իրանի հարցով հատուկ ներկայացուցիչ Բրայան Հուկը:

«Մենք կրոնական ղեկավարությանը զրկել ենք ահռելի միջոցներից»,- նշել է Հուկը: Նրա կարծիքով՝ իրանական ղեկավարությունը կանգնած է ընտրության առջև՝ «ԱՄՆ-ի հետ բանակցություններ վարել կամ լուծել տնտեսական կոլապսը»:

Հատուկ ներկայացուցիչը կարծում է, որ իրանական տնտեսությունն իբր «խոր անկման» վիճակում է, իսկ արտասահմանյան պահուստներին հասանելիությունը նվազագույն է: «ԱՄՆ-ն հաջողությամբ շարունակում է առավելագույն տնտեսական ճնշման ցուցաբերման և դիվանագիտական մեկուսացման ռազմավարությունը»,- ասել է նա:

ԱՄՆ պետքարտուղար Մայքլ Պոմպեոն չորեքշաբթի հայտնել էր, որ Վաշինգտոնը որոշել է դադարեցնել պատժամիջոցների ռեժիմից ժամանակավոր բացառությունները, որոնք Թեհրանին թույլ են տալիս ԳՀՀԾ անդամ երկրներից օգնություն ստանալ ատոմի խաղաղ յուրացման ոլորտում:

Չեղարկված բացառությունները Ռուսաստանի, Չինաստանի և եվրոպական երկրների ընկերություններին թույլ էին տալիս շարունակել Իրանի միջուկային օբյեկտներում ատոմային էներգետիկայի խաղաղ օգտագործման գործունեությունը՝ չվտանգվելով հայտնվել ամերիկյան սահմանափակող միջոցառումների գործողության տակ: Սա ուղիղ կերպով առնչվում է Արաքում ծանր ջրով աշխատող ռեակտորին, որը Իրանը ԳՀՀԾ-ի շրջանակում մյուս երկրների աջակցությամբ պետք է վերակառուցեր խաղաղ նպատակներով միջուկային հետազոտությունների անցկացման համար, ինչպես նաև Թեհրանում հետազոտական ռեակտորը հարստացված ուրանով ապահովելուն, Իրանից մշակված վառելիքի դուրսբերմանը:

ԱՄՆ վարչակազմը միջազգային ընկերություններին 60 օր է հատկացրել այս օբյեկտներին առնչվող գործունեության դադարեցման համար:

Այս թեմայով «Ժողովուրդ». ԱԳՆ-ում զարմանք է առաջացրել նախարարի մամուլի քարտուղարին բարձր դիվանագիտական աստիճանի շնորհումը «Հրապարակ». Ապարանում եւս մտադիր են գործարկել Գորիսի մոդելը «Ժողովուրդ». ԱԳՆ մամուլի խոսնակին բարձրագույն դիվանագիտական աստիճան է շնորհվել. Սա է հայաստանյան դիվանագիտությունը Իրանի միջուկային զենք ստեղծելու վերջին զգուշացումը հղեց Երբ կարող է տեղի ունենալ ԱՄՆ-ի հաջորդ խոշոր հարձակումը Իրանի վրա