«Նորքի տուն-ինտերնատի 15 տարեց այս պահին հոսպիտալացված է, մեկի վիճակը շարունակում է մնալ ծայրահեղ ծանր»․ նախարարի խոսնակ

«Կորոնավիրուսային վարակի պատճառով Նորքի տուն- ինտերնատի 15 տարեց քաղաքացի այս պահին  հոսպիտալացված է, մեկի վիճակը շարունակում է մնալ ծայրահեղ ծանր, մյուսներն իրենց լավ են զգում»։

Այս մասին Shabat.am-ի հետ զրույցում ասաց Աշխատանքի և սոցիալական հարցերի նախարարի մամուլի խոսնակ Սոնա Մարտիրոսյանը։ Մայսիսի 15-ին Նորքի տուն - ինտերնատում գրանցվել էր կորոնավիրուսով վարակման դեպք՝  28 աշխատակիցների և 17 տարեցների մոտ։

Աշխատակիցները չեն ունեցել ախտանշաններ և չեն հոսպիտալացվել, նրանք  մեկուսացվել են հյուրանոցներում, իսկ տարեցներին՝  անվտանգության նկատառումներից ելնելով հոսպիտալացրել էին։

Սոնա Մարտիրոսյանը հիշեցրեց, որ կորոնավիրուսով վարակված երեք տարեցներն ի սկզբանե գտնվել են ծայրահեղ ծանր վիճակում՝ մյուսների վիճակը գնահատվել է  կայուն։

Վարակվելուց օրեր անց ծայրահեղ ծանր վիճակում գտնվող տարեցներից 2-ը մահացել էին, նրանցից մեկի մահվան պատճառը եղել է կորոնովիրուսը, մյուսինը՝ ոչ։ Նշենք, որ Նորքի տուն-ինտերնատում բնակվում է 230 տարեց քաղաքացի։ 

Այս թեմայով Երեք տարի գերության մեջ. Արայիկ Հարությունյանը, Ռուբեն Վարդանյանն ու մյուս հայերը շարունակում են ապօրինի պահվել Ադրբեջանում Այս կենդանակերպի նշանների ներկայացուցիչները կարող են անսպասելի հաջողություն ունենալ սեպտեմբերի վերջին 6 տարի առաջ այս օրը ընկան հազարավոր ՏՂԱՆԵՐ Ո՛չ Կառավարությունը պետք է դառնա եկեղեցական ժողով, ո՛չ Եկեղեցին՝ կառավարություն Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան