«ԻՇԽԱՆՈՒԹՅՈՒՆՆԵՐԸ ՏԱՊԱԼԵԼ ԵՆ ՀԱԿԱՃԳՆԱԺԱՄԱՅԻՆ ԿԱՌԱՎԱՐՈՒՄԸ»

ՀՅԴ Հայաստանի Գերագույն մարմնի մասնագիտական ոլորտային հանձնախմբերի գրասենյակը խստորեն դատապարտել էր դեռեւս մայիսի 11-ն ԱԺ քաղաքական մեծամասնության կողմից Լանզարոտի տխրահռչակ կոնվենցիայի վավերացման իրողությունը: Թե արդյոք ՀՅԴ-ն կբավարարվի միայն այդ հայտարարությամբ, թե պատրաստվում է կոնվենցիայի դեմ պայքարել, օրինակ, ցույցերի տեսքով, «Իրավունքը» հետաքրքրվեց ՀՅԴ Գերագույն մարմնի անդամ ԼԻԼԻԹ  ԳԱԼՍՏՅԱՆԻՑ:

– Առանց հանրային քննարկումների, խորհրդարանն արդեն  վավերացրել է կոնվենցիան: Ըստ էության, պայքարի դաշտ գրեթե չի մնացել: Ի դեպ, մենք չունենք  երեխաների դեմ սեռական շահագործման եւ բռնության պայքարի հայեցակարգ: Թերեւս, այս հայեցակարգի մշակման եւ կրթական ծրագրերի որդեգրման ու մշակման փուլում մեր մոտեցումները հրապարակենք:  Բայց նրանք քաղաքական խլությամբ են տառապում, եւ եթե քաղաքական մեծամասնությունը շարունակի օտարածին օրակարգեր սպասարկելու իր ամբարտվան կեցվածքը, անսխալականության բարդույթն ու երկխոսության մերԺումը, դժվարանում եմ  ասել, թե ինչ քայլեր կորդեգրենք::

– Արտակարգ դրությունից հետո` փողոցային քաղաքական պայքարի որեւէ օրակարգ ՀՅԴ-ն ունի՞:

– Պայքարի բոլոր միջոցները, որոնք չեն թուլացնի մեր պետականությանը, մեզ համար որդեգրելի են: Ընթացքը ցույց կտա, այսօր գոնե մեր գնահատումները հստակ են© այս իշխանությունները տապալել են Հայաստանի հակաճգնաժամային կառավարումը եւ ունակ չեն դիմագրավելու Հայոց պետականության մարտահրավերները: Մեզ համար ամենացավալի գնահատականն այն է, որ այսօր մեր պետականության ազգային բաղադրիչի նկատմամբ լրջագույն արշավանք է կազմակերպված, եւ այս առումով հիմնավոր անհանգստություն ունենք:

ՀՐԱՆՏ ՍԱՐԱՖՅԱՆ

Այս թեմայով «Հրապարակ»․ Լիլիթ Թադեւոսյանը պաշտոնը «ժառանգություն է թողնելու» Աշնանային սրացումներ ԱԺ-ում․ ԶԱՐՄԱՆՔ Ամո’թ, խայտառակություն. ինչպես են ՀՅԴ անդամներն արձագանքում ՔՊ-ականի ելույթին Հայ ռազմագերիների պաշտպանության հարցով դիմել եմ ՄԻՊ Անահիտ Մանասյանին․ Լիլիթ Գալստյան «Իրավունք». Լիլիթ Մակունցը որոշում ունի