Նախագահ Արմեն Սարգսյանը կարևորում է ազգային արժեքները, բայց մատը մատին չի տալիս

Ինչպես ավելի վաղ տեղեկացանք, Հայաստանում Մեծ Բրիտանիայի դեսպանատան ֆեյսբուքյան էջը հայտնում էր, որ մայիսի 17-ին Միացյալ Թագավորության արտաքին գործերի և համագործակցության նախարարությունը ծածանում է ծիածանագույն դրոշը՝ ի նշանավորումն Հոմոֆոբիայի, բիֆոբիայի և տրանսֆոբիայի դեմ պայքարի միջազգային օրվա՝ #IDAHOBIT-ի:IDAHOBIT2020-ի թեման է «Կոտրելով լռությունը»։

Մարդու իրավունքների պաշտպանությանն ուղղված մեր աշխատանքների առանցքային նպատակներից է հասարակության բոլոր անդամների հավասարության, նրանց նկատմամբ հանդուրժողականության և հակախտրականության խթանումը։  Ամենաուժեղը, ամենաապահովն ու ամենաբարեկեցիկն այն հասարակություններն են, որոնց բոլոր անդամները կարող են ապրել ազատ, առանց բռնության կամ խտրականության վախի, և որոնց բոլոր քաղաքացիները, ներառյալ՝ ԼԳԲՏ անձինք, կարող են լինել հասարակության լիարժեք և ակտիվ անդամներ։  Բոլորը պետք է ունենան հավասար հնարավորություններ:

Iravunk.com-ը որոշ հանգամանքներ պարզելու նպատակով դիմեց ՀՀ նախագահ Արմեն Սարգսյանին գրավոր հարցում ուղարկելով, այս մասով որոշ հանգամանքներ պարզելու համար:

Ստորև մերկայացնում ենք հարցը.

Նախորդ կիրակի ՀՀ-ում Մեծ Բրիտանիայի դեսպանատանը բարձրացվել է ԼԳԲՏ համայնքին պատկանող դրոշը. Անցեք հղումով (https://iravunk.com/news/112239?fbclid=IwAR2naw5upjkNcpmfUQDboahY2IaovMQN zQ82USDEOAPtQ_dTz1h-ieHlzIo) Ուստի այդ կապակցությամբ ցանկանում ենք տեղեկանալ. 1. Հայ ժողովրդի ավանդական պատկերացումների դեմ արդյո՞ք դա պրովոկացիա չէ:

2. Ինչպե՞ս է ՀՀ նախագահ Արմեն Սարգսյանը վերաբերվում այդ արարքին:

3. Արմեն Սարգսյանը Անգլիայում որպես հարգանք ունեցող անձնավորություն, փորձե՞լ է կանխել այդ արարքը:

4. Ըստ միջազգային իրավունքի դեսպանատունը իրավունք ունի բարձրացնելու միայն իր երկրի դրոշը: Արդյոք մեր երկրում խախտված չէ այդ օրենքը: 

ՈՒ ահա օրեր անց ստացանք հետևյալ պատասխանը.

 Ի պատասխան Ձեր հարցման, տեղեկացնում ենք. Ձեր հարցադրումները չեն վերաբերում Հանրապետության նախագահի և նախագահի աշխատակազմի գործառույթներին: Դրանք այլ գերատեսչության իրավասության շրջանակում են:

Միաժամանակ, նշենք, որ Հանրապետության նախագահը մշտապես կարևորում է ազգային արժեքները և դրանց պահպանումն ու պաշտպանությունը: Հանրապետության նախագահի աշխատակազմի հասարակայնության հետ կապերի վարչություն:

Հայկ Գևորգյան 

Այս թեմայով Ավելի հարմար օր դժվա՞ր էր գտնել․ ԶԱՐՄԱՆՔ Ո՛չ Կառավարությունը պետք է դառնա եկեղեցական ժողով, ո՛չ Եկեղեցին՝ կառավարություն Ազգերի լիգա. Հայաստանի հավաքականը հաղթանակով մեկնարկեց մրցաշարում (տեսանյութ) Հայկական խոհանոցի համն ու հոտը՝ ազգային մշակույթով համեմված. Համով զրույց լեգենդի հետ Լուրջ կասկածներ ունեմ, որ ողջ այդ բառակույտի կնքահայրն անձամբ Նիկոլն է. Արմեն Հովասափյան