«ՄԵՐ ՏՈՒՆՆ ԱՄԲՈՂՋՈՒԹՅԱՄԲ ՉԵՆՔ ԿԱՌՈՒՑԵԼ, ԲԱՅՑ ԱՄԵՆ ՕՐ ԴԻԶԱՅՆԻ ՄԱՍԻՆ ԵՆՔ ԽՈՍՈՒՄ»

Լանզարոտի հայտնի կոնվենցիայի, ԱԺ-ում տեղի ունեցած ծեծկռտուքի եւ այլ հարցերի մասին մենք զրուցեցինք «Սասնա ծռեր» կուսակցության քարտուղարության ղեկավար ՎԱՐՈՒԺԱՆ ԱՎԵՏԻՍՅԱՆԻ հետ:

– Ի՞նչ կարծիք ունեք Լանզարոտի հայտնի կոնվենցիայի մասին, քանի որ Ազգային ժողովը վերջերս գաղտագողի վավերացրեց այն:

– Նախ մենք պետք է պետություն կառուցենք, ապա նոր մտածենք նման հարցերի մասին: Մենք չունենք պետություն, Հայաստանը կիսագաղութ է: Հայաստանում կան շատ խնդրահարույց հարցեր, բայց նախ պետք է ազգային պետություն ունենալ, եւ ժողովրդի, ազգի ռեսուրսը ճիշտ չէ ապակենտրոնացնել դրանով:

– Վերոնշյալ կոնվենցիայի վավերացումից ժամեր առաջ, ԱԺ-ում թեժ ծեծկռտուք տեղի ունեցավ պատգամավորներ Սասուն Միքայելյանի եւ Էդմոն Մարուքյանի միջեւ: Ի՞նչ գնահատական կտաք այդ ամենին:

– Ազգային ժողովում տեղի ունեցածն անցանկալի եւ տհաճ երեւույթ էր, բայց ես կրկնում եմ, որ Հայաստանն ունի հիմնական հարց, որը պետք է լուծվի: Մենք մեր տունն ամբողջությամբ չենք կառուցել, բայց ամեն օր դիզայնի մասին ենք խոսում: Այդպես ճիշտ չէ:

ՀԱՅԿ ԳԵՎՈՐԳՅԱՆ

Այս թեմայով Գորիսի «Համերաշխություն»-ը ոչ մի աղերս չունի իրական «Համերաշխության» հետ Ներսես Ավետիսյանն ամուսնալուծվել է Սա դեռ ժուռնալն է, կինոն հետո է սկսվելու․ Սարգիս Ավետիսյան Չի՛ կարելի թույլ տալ, որ ատոմային էներգետիկան ընդհատվի անգամ մեկ օրով. Արթուր Ավետիսյան Ընդդիմության լիդերները մի հատ «լայաղ» չեն անում, անգամ մարդկանց փողոց հանել. Տիգրան Ավետիսյան