Արցախում կստեղծվի ՊՎԾ և ՏԿԶ նախարարություն․ Արայիկ Հարությունյանը ներկայացրեց Արցախի կառավարության կառուցվածքային փոփոխությունները (տեսանյութ)

Արցախի նախագահի վերահսկողության ծառայությունը դառնալու է պետական վերահսկողական ծառայություն։ Այս մասին այսօր ֆեյսբուքյան տեսաուղերձում հայտարարեց Արցախի Հանրապետության նախագահ Արայիկ Հարությունյանը։

Արցախում ստեղծվելու է տարածքային կառավարման և զարգացման նախարարությունը, որի մեջ ներառված է լինելու նաև բնական ռեսուրսների կառավարման հատվածը։ Ներկայումս ԱՀ կառավարությունում էկոնոմիկայի և արտադրական ենթակառուցվածքների ու բնապահպանության և բնական ռեսուրսների նախարարություններ են։

Արայիկ Հարությունյանի խոսքով՝ մշակույթի, երիտասարդության հարցերի և զբոսաշրջության նախարարությունը դառնալու է ռազմահայրենասիրության, երիտասարդության, սպորտի և զբոսաշրջության նախարարությունը։

«Ռազմահայրենասիրություն բառն առաջին անգամ ենք օգտագործում կառավարության կառուցվածքում, և սա պատահական չէ։ Ռազմահայրենասիրությունը, բանակ-հասարակություն կապը լինելու է մեր նոր կառավարության գլխավոր ուղղություններից մեկը։ Ռազմահայրենասիրությունը պետք է դառնա պետական քաղաքականության հիմք»,- ասաց ԱՀ նախագահը։

Ինչ վերաբերում է կադրային նշանակումներին, Արայիկ Հարությունյանը նշեց, որ պետական բարձրաստիճան պաշտոնյաներից շատերը լքելու են իրենց պաշտոնները, և նոր նշանակումներ կլինեն արդեն այսօրվա ընթացքում։

«Մի քանի օրվա ընթացքում կփորձեմ ամբողջությամբ ավարտել նշանակումների հարցը, որպեսզի արդեն հունիսի 1-ից՝ բերքահավաքի կարևոր ժամանակահատվածում, ունենալ արդեն ձևավորված կառավարություն»,- ասաց նա։

Մանրամասները՝ տեսանյութում։

https://www.facebook.com/watch/ArayikHarutyunian/

Այս թեմայով 23 տարի Արցախի հողը գրկած ապրեցիր, տղաս… Հիմա թող հողը խաղաղությամբ գրկի քեզ․ հերոս Արտուշ Արզումանյանի մայր Երեք տարի գերության մեջ. Արայիկ Հարությունյանը, Ռուբեն Վարդանյանն ու մյուս հայերը շարունակում են ապօրինի պահվել Ադրբեջանում Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան Տիրադավների մասին ավելի ծանր փաստեր կան. ցավում եմ, որ այդքան ընկած եք, աղոթեք ու ապաշխարեք, որ Աստված ների ձեր մեղքերը. Տեր Զարեհ (Տեսանյութ) Ինչ նոտարական ծառայությունից է օգտվել Արայիկ Հարությունը իրականում. Բաքվի գերությունը հաղթահարած Գեւորգ Սուջյանը փակագծեր է բացում