Վրաստանը հուլիսի 1-ից զբոսաշրջիկներ կընդունի այն երկրներից, որտեղ կորոնավիրուսի տարածման մակարդակը ցածր է

Վրաստանը հուլիսի 1-ից զբոսաշրջիկներ կընդունի այն երկրներից, որտեղ կորոնավիրուսի տարածման մակարդակը ցածր է, հայտնել է հիվանդությունների վերահսկման ազգային կենտրոնի տնօրեն Ամիրան Գամկրելիձեն:

«Առաջին հերթին մենք կընդունենք զբոսաշրջիկներ, այսպես կոչված, «կանաչ» երկրներից, որոնցում բնակչության շրջանում COVID-19-ով վարակվածության մակարդակը համեմատաբար ցածր է: Մեր կողմից օտարերկրյա զբոսաշրջիկներին կներկայացվեն որոշ պահանջներ՝ Վրաստան մուտք գործելու և երկրում նրանց տեղաշարժի վերաբերյալ», - ասաց Գամկրելիձեն:

Նա նշել է, որ Վրաստանում անհանգստությամբ հետևում են հարևան երկրներում՝ Ռուսաստանում, Թուրքիայում, Ադրբեջանում և Հայաստանում վարակի տարածման հետ կապված իրավիճակին: 

Նա նշել է, որ զբոսաշրջիկների համար պահանջները կլինեն բավականին իրագործելի: Սա հիմնականում վերաբերում է կորոնավիրուսի համար բացասական թեստը հաստատող փաստաթղթերին:

«Հավանաբար, զբոսաշրջիկների համար կներդրվի այսպես կոչված COVID-19 անձնագիր, որը կհաստատի վերջին 72 ժամվա ընթացքում կորոնավիրուսային ինֆեկցիայի թեստ անցնելու փաստը:

Այս թեմայով Այն ճանապարհը, որն ընտրել է Հայաստանի իշխանությունն ու այդ իշխանությանն ընտրած ժողովուրդը, անհամատեղելի է Արցախ ունենալու հետ. Սամվել Շահրամանյան Գերմանիայում իշխող CDU/CSU դաշինքի վարկանիշը նվազել է մինչև ռեկորդային ցածր՝ 19% Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան «Լեվ Գրուպը» շարունակում է փաստաբանական պրոֆեսիոնալիզմի մաստեր կլաս ցույց տալ ՌԴ ՆԳՆ-ն առաջարկում է փոխել ԱՊՀ երկրներից վարորդների՝ ՌԴ-ում գտնվելու ժամկետը