Նախիջեւանի կողմից հարված պետք է սպասել, հատկապես Արարատ-Վայք տեղամասում.Ռազմական փորձագետ

«Մենք պետք է չտրվենք այն պատրանքին, թե Հայաստանը միջազգային իրավունքի սուբյեկտ է, եւ Ադրբեջանի կողմից հարվածը չի կարող հասցվել ուղղակիորեն ՀՀ-ին: Ավելի իրատեսական է, որ քանի որ Արցախը ճանաչված պետություն չէ, հարվածը կհասցվի արցախյան ճակատում: Սակայն բնավ պարտադիր չէ, որ հենց այդ սցենարով ամեն ինչ զարգանա, ցանկացած սցենար պետք է հնարավոր համարել: Նախիջեւանի կողմից հարված պետք է սպասել, հատկապես Արարատ-Վայք տեղամասում, Տիգրանաշենի հատվածում: Որովհետեւ այդտեղ մեր հիմնական կոմունիկացիան է` դեպի Սյունիք եւ Արցախ տանող: Եվ միանգամայն տրամաբանական է, որ ադրբեջանական կողմը կփորձի այդ կոմունիկացիան փակել` Արցախում ռազմական գործողությունները վերսկսելիս: Այնպես որ, այս հատվածում սրացումների պետք է սպասել»,- «Իրավունք TV»-ի տաղավարում այս մասին ասել է ռազմական փորձագետ ԴԱՎԻԹ ՋԱՄԱԼՅԱՆԸ նկատելով.
-Իսկ որ թուրք-ադրբեջանական տանդեմն ունի նպատակ` վերացնել Նախիջեւանի անկլավային վիճակը, Նախիջեւան-Ադրբեջան տարածական կապ ստեղծել, սա անառարկելի փաստ է: Եվ այս թուրքական նպատակի դիմաց կանգնած են Սյունինքն ու Արցախը: Ե՛վ Սյունիքի, ե՛ւ Արցախի օկուպացիայի վտանգը դեռ տասնյակ տարիներ մեր աչքի առաջ է լինելու: Հետեւաբար արցախյան հարցի կարգավորման մասին երբ խոսում ենք, մենք պետք է հաշվի առնենք նաեւ այս վտանգը: Եվ այդ կարգավորման սցենարը պետք է լինի այնպիսին, որպեսզի թուրքական այդ հեռահար վտանգը չեզոքացվի մեզ համար: Իսկ դա ենթադրում է մի բան` վաղ թե ուշ պետք է լեգիտիմացնել Արցախի ներկա սահմանադրորեն ամրագրված տարածքը: Արցախը պետք է կա՛մ սուբյեկտայնություն ստանա, կա՛մ վերամիավորվի Մայր Հայաստանին` այսօրվա իր սահմանադրորեն ամրագրված տարածքով եւ երկու ագրեսիայի ետմղման արդյունքում վերահաստատված իր սահմաններով:

Մանրամասները տեսանյութում

Այս թեմայով 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Բելառուսը օգնում է Ռուսաստանին հարվածել Լեհաստանի հետ սահմանին. Ուկրաինացի ռազմական վերլուծաբաններ Ռուսական գրոհայիններն արդեն փոքր խմբերով մտնում են Դոբրոպոլե. Ուկրաինացի ռազմական թղթակից Այո՛, պաշտոնյան գրիչ էլ պիտի նվեր չստանա, իրեն պետք է, թող գնա, առնի, սա է ճիշտը. Փաշինյան Հարված գոտկատեղից ներքեւ. Ռուսները ոչնչացրեցին Զելենսկու «Կվարտալ 95»-ի ռեկվեզիտների պահեստը