Ուսանողը փող չի. Հերացու անվան բժշկական համալսարանի ուսանողների դիմում-պահանջը՝ ռեկտոր Արմեն Մուրադյանին

Երանի Մխիթար Հերացու անվան պետական բժշկական համալսարանի ուսանողները դիմում-պահանջ են ներկայացրել համալսարանի ռեկտոր Արմեն Մուրադյանին: Դիմումը ստորև՝ «Հարգելի հետևորդնե'ր ընթերցեք և տարածեք մեր դիմում-պահանջը։ Այն արտահայտում է շատերիս սպասելիքները։

Հաջորդիվ հրապարակմամբ կունենանք օնլայն-ստորագրահավաք, որին մասնակցելով՝ ավելի լսելի կդարձնենք մեր ձայնը։ ԵՊԲՀ-ի ռեկտոր բ.գ.դ. պրոֆեսոր Ա.Ա.Մուրադյանին նույն համալսարանի ուսանողների կողմից Դիմում Հարգելի´ պարոն Մուրադյան, «ՀՀ-ում արտակարգ դրություն հայտարարելու մասին» ՀՀ Կառավարության 16.03.2020 N 298 և բարձրագույն կրթությունը հեռավար կարգով՝ առցանց կազմակերպելու պարետատան որոշումների հիման վրա ԵՊԲՀ-ում ուսուցումը կազմակերպվում է առցանց, իսկ նման պայմաններում, բնականաբար, ուսումնական տարում համալսարանի կանոնադրական նպատակների իրականացման նպատակով օգտագործվել են համալսարանի բյուջեով նախատեսվածից ավելի քիչ ֆինանսական միջոցներ: Դա պայմանավորված է տարբեր հանգամանքներով, որպես օրինակ՝ որակյալ բժշկական կրթությունից անբաժանելի են գործնական պարապմունքները, որոնցից, սակայն, ուսանողությունը սույն ուսումնական տարվա երկրորդ կիսամյակում չի օգտվել: Ճիշտ է, որ արտակարգ դրության պայմաններում առաջացած իրավիճակով պայմանավորված ուսանողության սոցիալական բեռը թեթևացնելու նպատակով ՀՀ կառավարության կողմից գործարկվել է 14-րդ հակաճգնաժամային միջոցառումը, սակայն այդ միջոցառման շահառուների քանակը շատ փոքրաթիվ է, քանի որ վերջինիս հիմքը ուսանողների առաջադիմությունն է և ոչ թե սոցիալական ծանր դրությունը:

Հիշյալ հանգամանքները ներպետական մի շարք բուհերում հաշվի են առնվել, և ուսանողների համար սահմանվել են առանձին վարձավճարի զեղչեր կամ հետաձգվել են վարձերի վճարման վերջնաժամկետները, իսկ մեր համալսարանում նմանատիպ արտոնություններ չեն տրամադրվել: ԵՊԲՀ-ում կարճ ժամանակահատվածում 3 որոշում փոխվեց, և վարձերի վճարման վերջնաժամկետ սահմանվեց ս.թ. հունիսի 1-ը, բացի այդ՝ ուսանողությունը տեղեկացվել է, որ վարձերը չվճարելու դեպքում կարգելվի նրանց մասնակցությունը հունիսին անցկացվելիք ստուգարքներին: Հայտնելով վերոգրյալի մասին և հաշվի առնելով բազմաթիվ ուսանողների համար ստեղծված անելանելի և անկանխատեսելի սոցիալական ծանր վիճակը՝ արդարացիորեն խնդրում ենք վերանայել մեր ուսման վարձավճարի չափերը (զեղչելով ուսանողների վարձերը այն չափաքանակով, որը վճարվել է կամ պիտի վճարվի (ամսեկան վճարման հնարավորութունից օգտվողների դեպքում) համալսարանին՝ այն հաշվարկով, թե որքան գումար չի ծախսվել ուսանողների՝ կանոնադրությամբ սահմանված լիարժեք ուսումնական գործընթացը կազմակերպելու համար) և դրանց վճարման վերաբերյալ Ձեր կողմից սահմանված վերջնաժամկետները»: #ուսանողըփողչի 

Այս թեմայով Ավելի հարմար օր դժվա՞ր էր գտնել․ ԶԱՐՄԱՆՔ Լուրջ կասկածներ ունեմ, որ ողջ այդ բառակույտի կնքահայրն անձամբ Նիկոլն է. Արմեն Հովասափյան Մեղադրական եզրակացությունը, որը ես եմ ստացել, համապատասխան չէ օրենքի պահանջներին. Արմեն Աշոտյան Չէ՞, հա, իրո՞ք. Գեւորգ Սուջյանի պատասխանը Ալիեւին Նիկոլին ու նրա ոճի պոպուլիստին կիրթ հասարակությունը ձեռնտու չէ. Արմեն Հովասափյան