Սաուդներն գնում են ԱՄՆ-ն՝ օգտվելով «կորոնակրիզիսից»

Սաուդյան Արաբիան մեծ գումարներ է ծախսել «կորոնակրիզիսի» եւ նավթի ցածր գների պայմաններում, որպեսզի ապագայում իրեն ապահովի: ԱՄՆ Արժեթղթերի եւ բորսաների հանձնաժողովի տվյալներով՝ Սաուդյան Արաբիայի «Սուվերեն հիմնադրամը» գնել է ամերիկյան խոշորագույն ընկերությունների բաժնետոմսերը: Օրինակ՝ «Բոինգ» կորպորացիայում 713 մլն դոլար արժողությամբ բաժնեմաս, 522 մլն դոլարի արժեթղթեր «Ֆեյսբուքում» եւ «Սիթիգրուպում»։ Եվս 487 մլն դոլար է ծախսվել «Bank of America»-ում, 495 մլն դոլար՝ «Դիսնեյում», ինչպես նաեւ միլիարդատեր Ուորեն Բաֆեթի «Berkshire Hathaway» հիմնադրամի փոքր փաթեթը ձեռք բերելու համար:

Բացի ԱՄՆ-ից, սաուդցիները մեծ գումարներ են ներդրել անգլո-հոլանդական «Royal Dutch Shell»-ում, Ճապոնական «Eni»-ում, Նորվեգական «Equinor»-ում եւ ֆրանսիական «Total»-ում: Բաժնետոմսերի մոտավոր արժեքը 1 մլրդ դոլար է:

Եվ դա այն դեպքում, երբ թագավորության արժութային պահուստները վերջին երկու տասնամյակում ամենաարագ տեմպերով նվազում են։ Ինչպես հաղորդվել է, մարտին Սաուդյան Կենտրոնական բանկի արտասահմանյան պահուստները վերջին 20 տարվա ընթացքում կրճատվել են ամենաարագ տեմպերով եւ հասել են 2011 թվականից ի վեր ամենացածր մակարդակին, այն դեպքում, երբ 2020 թվականի առաջին եռամսյակում երկիրը բախվել է 9 մլրդ դոլարի բյուջեի դեֆիցիտի՝ նավթից ստացված եկամուտների կրճատման պատճառով: Եվ այդ նույն ժամանակ հայտնի դարձավ, որ Սաուդյան պետական նավթային «Saudi Aramco» ընկերությունը մտադիր է հունիսին գրեթե 50 տոկոսով կրճատել նավթի մատակարարումները ԱՄՆ-ին և Եվրոպային։

Այս թեմայով Մինչև ԱՄՆ-ի նոր հարձակումը մնացել է 72 ժա՞մ Ծննդաբերելու նպատակով Միացյալ Նահանգներ զբոսաշրջային վիզայով չի թույլատրվում մեկնել. ԱՄՆ դեսպանատուն Ո՛չ Կառավարությունը պետք է դառնա եկեղեցական ժողով, ո՛չ Եկեղեցին՝ կառավարություն Իրանը չի վստահում ԱՄՆ-ի հետ բանակցություններին՝ հարձակումներից և պատժամիջոցներից հետո Աշխարհը գտնվում է գլոբալ նավթային ճգնաժամի եզրին՝ ԱՄՆ-Իրան երկարատև պատերազմի պատճառով. Bloomberg