Ադրբեջանի ԱԳՆ-ն պատասխանել է Փաշինյանին

Ադրբեջանի ԱԳՆ մամուլի ծառայության ղեկավար Լեյլա Աբդուլաեւան, մեկնաբանելով Նիկոլ Փաշինյանի հայտարարությունը, որ «թավշյա հեղափոխությունից» հետո հակամարտության կարգավորման համար ոչ մի նոր փաստաթուղթ չի ներկայացվել, իսկ հին առաջարկն արդեն ընդունելի չէ, հայտարարել է, թե՝ Հայաստանի վարչապետի հայտարարությունները ղարաբաղյան հակամարտության կարգավորման բանակցային գործընթացի վերաբերյալ ցույց են տալիս, որ կամ նա չի կարողացել ուսումնասիրել այդ գործընթացը վերջին երկու տարիների ընթացքում, կամ նրա հայտարարություններն ուղղված են բանակցային գործընթացի համար խոչընդոտների ստեղծմանը: Ըստ Աբդուլաեւայի․ «Ճիշտ է, բանակցային գործընթացում նոր փաստաթուղթ չկա, որովհետև նոր փաստաթղթի եւ առաջարկի կարիք չկա։ Ինչպես ասվում է ԵԱՀԿ Մինսկի խմբի 2019 թվականի մարտի 9-ի հայտարարության մեջ, բանակցություններն ընթանում են փաստաթղթի շուրջ, որն արդեն գոյություն ունի բանակցությունների սեղանի»։

Աբդուլաեւան նաեւ հավելել է․ «Նիկոլ Փաշինյանը երբևէ հետաքրքրվե՞լ է, թե ինչով է զբաղվել Հայաստանի արտաքին գործերի նախարարը վերջին երկու տարիների ընթացքում՝ բանակցություններում։ Չի բացառվում, որ Հայաստանի արտգործնախարարը վարչապետին չի զեկուցել այն փաստաթղթերի մասին, որոնք եռանախագահները ներկայացրել են Ադրբեջանի եւ Հայաստանի արտգործնախարարներին, ներառյալ այս տարվա հունվարին Ժնեւում տեղի ունեցած ինտենսիվ բանակցությունների արդյունքները։ Եթե Հայաստանի ներկայիս ղեկավարության նպատակը հակամարտության կարգավորման գործընթացը «բանակցությունների» անվան տակ երկարաձգելն է, ապա այդ մոտեցումը վճռականորեն մերժվում է ինչպես Ադրբեջանի, այնպես էլ միջազգային հանրության կողմից։ Մենք հիշեցնում ենք Հայաստանի ղեկավարությանը, որը ձգտում է խաթարել բանակցային գործընթացը եւ միջազգային միջնորդների ջանքերը, որ տարիներ շարունակ Ադրբեջանի եւ Հայաստանի միջեւ ընթացող բանակցությունների գլխավոր նպատակը, ներառյալ ԵԱՀԿ Մինսկի խմբի համանախագահների ջանքերը, Ադրբեջանի բոլոր գրավյալ տարածքներից օկուպացիոն ուժերի դուրսբերումն է, հարյուր հազարավոր հարկադիր տեղահանվածների մարդու իրավունքների վերականգնումը եւ, այդպիսով, ՄԱԿ-ի Անվտանգության խորհրդի բանաձեւերին համապատասխան տարածաշրջանում կայուն խաղաղության եւ անվտանգության պահպանումը: Նման հայտարարություններով Հայաստանի ղեկավարությունը պարզ ցույց է տալիս, թե որ երկիրն է հանդես գալիս խաղաղության օգտին, Իսկ որ երկիրն է կողմ տարածաշրջանում լարվածության ուժեղացմանը։ Մենք ևս մեկ անգամ ընդգծում ենք, որ տարածաշրջանում իրավիճակի սրման ողջ պատասխանատվությունն ամբողջությամբ ընկած է Հայաստանի վրա»։

Այս թեմայով Ադրբեջանցիները ՄԱԿ-ում մինչև վերջ խոնարհաբար լսեցին Թուրքիային ուղղված Նեթանյահույի վիրավորանքները «Հրապարակ». Սասուն Միքայելյանը փորձել է աջակցել ձերբակալված ընկերոջը, Փաշինյանին հայտնել են ՌԴ ԱԳՆ-ից կասկածի տակ են դրել Հայաստանին ԵՄ աջակցության խոստումները Չէ՞, հա, իրո՞ք. Գեւորգ Սուջյանի պատասխանը Ալիեւին «Ժողովուրդ». ԱԳՆ-ում զարմանք է առաջացրել նախարարի մամուլի քարտուղարին բարձր դիվանագիտական աստիճանի շնորհումը