Նիկոլ Փաշինյանը ստում է առանց ամաչելու. Նարեկ Մալյան

ՀՀ վարչապետ ՆԻԿՈԼ ՓԱՇԻՆՅԱՆԻ առցանց ասուլիսի ժամանակ ի թիվս այլ հարցերի անդրադարձավ դիտարկմանը, որ Սորոսի հիմնադրամի ներկայացուցիչներն իր հետ փակ հանդիպումներ են ունենում, որոնց ժամանակ սորոսականները միջնորդում են հանցանքներ կատարած մարդկանց նկատմամբ պատիժներ չկիրառել: Լրատվամիջոցը մասնավորապես հետաքրքրվել էր, թե ինչքա՞ն ժամանակը մեկ է նման հանդիպումներ կազմակերպվում սորոսականների հետ, ի՞նչ քրեական գործերի շուրջ են նրանք միջնորդություններ ներկայացնում:

Դե, իհարկե, Սորոսի անունը լսելուն պես՝ Փաշինյանն, ինչպես նախորդ ասուլիսի ժամանակ, հիմա էլ դարձավ էլ ավելի դյուրագրգիռ ու սկսեց պատասխանել այսպես. «Սարսափելի բացահայտումներ են, բա էսքանից հետո ո՞նց ա լինելու: Ես փակ հանդիպումներ չեմ ունենում՝ առավել եւս ՀԿ-ների հետ իմ բոլոր շփումների մասին հաղորդագրությունները եղել են, պետք է որ եղած լինեն: Համենայնդեպս, ես առանձին վերցրած սեգմենտի հետ չեմ հանդիպել, հանդիպել եմ ՀԿ-ների ներկայացուցիչների հետ: Եթե չեմ սխալվում կոնկրետ Բաց հասարակության ինստիտուտի հետ առանձին հանդիպում չեմ ունեցել, ունեցել ենք ՀԿ-ների ներկայացուցիչների հետ հանդիպում, որին ներկա են եղել 30-40 կամ 10-15 մարդ: 2019 թվականին նման հանդիպում չեմ ունեցել, 18-ին հնարավոր է 1-2-ն ունեցած լինեմ: Այնպես որ, դավադրությունների տոնայնությունը, խնդրում եմ, եկեք թողնենք: Իրոք, վաղուց չենք հանդիպել հասարակական սեկտորի հետ, կարծում եմ՝ ժամանակն է, որ… առաջիկայում կարելի է այդպիսի հանդիպում կազմակերպել քաղաքացիական հասարակության ներկայացուցիչների հետ»:

Արձագանքելով վարչապետի պատասխանին՝ ՎԵՏՕ հասարակական-քաղաքական շարժման ղեկավար ՆԱՐԵԿ ՄԱԼՅԱՆԸ գրում է. «Նիկոլ Փաշինյանը ստում է եւ ստում է առանց ամաչելու: Հիշեցնեմ, որ օրեր առաջ սորոսականները հայտարարել էին, որ փակ հանդիպում են ունեցել վարչապետի հետ, որի ժամանակ պահանջել էին վարչապետից չդատել սորոսական ռեստարտ խուլիգանախմբին: Այսօր Նիկոլ Փաշինյանը ասուլիսի ժամանակ հաստատեց, սորոսականների հետ իր փակ՝ չլուսաբանվող հանդիպումների մասին տեղեկությունը, սակայն ստեց ասելով, որ 2018 թվականից հետո նման հանդիպում չի ունեցել: Հիշեցնեմ, որ սորոսական ռեստարտ խուլիգանախմբի կողմից հարձակումը եւ առեւանգման փորձը տեղի է ունեցել 2019 թվականի մարտին: Այսինքն՝ դրանից հետո առնվազն եւս մեկ փակ հանդիպում եղել է, որի ընթացքում սորոսականները փորձել են ճնշումներ գործադրելով, ստանալ իրենց թայֆայի անպատժելիության երաշխիքներ: Կրկնում եմ, Նիկոլ Փաշինյանը ստում է, որ 2019 թվականին սորոսականների հետ փակ հանդիպում չի ունեցել»:

Այս թեմայով Անկախության օրը՝ ախմախ անակնկալներով Ապշել կարելի է, լավ է չի գրել՝ «ՔՊ бьёт — значит любит»․ ԶԱՐՄԱՆՔ Ո՛չ Կառավարությունը պետք է դառնա եկեղեցական ժողով, ո՛չ Եկեղեցին՝ կառավարություն ՇՏԱՊ. Հակակոռուպցիոն կոմիտեն մտավ Աբովյանի համայնքապետարան. Բաբայան Էդոյի գործը «բուրդ է» Ձախողվեց մեր պետության զավթման ծրագիրը. Փաշինյանի ելույթը ՄԱԿ-ում