Պուտին-Փաշինյան հեռախոսազրույց չի եղել, որովհետեւ Փաշինյանը տեղում չէր

ՀՀ վարչապետ ՆԻԿՈԼ ՓԱՇԻՆՅԱՆԻ առցանց ասուլիսի ժամանակ «Իրավունքը» հետաքրքրվել էր նրանից ԱԳ նախարար Զոհրաբ Մնացականյանի կողմից վերջերս արված հայտարարության մասին, թե հայ-ռուսական հարաբերություններում կան խնդիրներ: Մասնավորապես՝ խնդրել էինք թվարկեք այդ խնդիրները, ապա հավելել, թե արդյո՞ք առկա խնդիրներն էին պատճառը, որ մայիսի 9-ին Մեծ Հայրենական պատերազմի հաղթանակի 75-ամյակի առիթով նրա եւ Ռուսաստանի նախագահի միջեւ հեռախոսազրույց տեղի չի ունեցել:

Ի պատասխան Նիկոլ Փաշինյանը տվեց, մեղմ ասած, տարօրինակ պատասխան, թե տեղում չի եղել. «Խնդիրներ ասելով՝ կարծում եմ՝ արդեն պարզ է, ինչի մասին է խոսվում, դրանք աշխատանքային խնդիրներ են: Բնականաբար, այդ աշխատանքային խնդիրները միշտ էլ կան եւ միշտ էլ լինելու են, եւ դա նորմալ է: Ինչ վերաբերում է մայիսի 9-ին, գիտեք, որ ես Արցախի հանրապետությունում եմ եղել մայիսի 9-ին եւ 10-ին, ընդ որում՝ արդեն ավանդաբար երեք տարի անընդմեջ մայիսի 9-ը դիմավորում եմ Ստեփանակերտում, Շուշիում: Իսկ ՌԴ նախագահի հետ մենք, ըստ անհրաժեշտության, միշտ էլ կապի մեջ ենք, այդ թվում՝ հեռախոսային: Այսքանը»:

Ըստ էության, սրանով Ն. Փաշինյանը փաստեց, որ ՌԴ նախագահն անհրաժեշտություն չի համարել Հայրենական Մեծ պատերազմի հաղթանակի 75-ամյակի կապացությամբ հեռախոսազրույց ունենալ Ն. Փաշինյանի հետ, ինչն առնվազն մտահոգիչ է:

Ի դեպ, հատկանշական էր այն, որ ՀՀ վարչապետի խոսնակ ՄԱՆԵ ԳԵՎՈՐԳՅԱՆԸ դրսեւորեց կողմնակալ մոտեցում եւ ի տարբերություն այլ լրատվամիջոցների չհնչեցրեց «Իրավունքի» 2-րդ հարցը, որով խնդրել էինք կրկին անդրադառնալ Լավրովի հայտարարությանը, բայց առավել կարճ ու հստակ պատասխանել՝ ՌԴ ԱԳ նախարարի հայտնի հայտարարությունները համապատասխանու՞մ է իրականությանը՝ այո՞, թե՝ ոչ:

ՀՐԱՆՏ ՍԱՐԱՖՅԱՆ

Այս թեմայով Ռուսական ուժերն ավարտում են վելիկոբուռլուկյան ճակատի հյուսիսային մեծ «կաթսայի» մաքրումը (Տեսանյութ, Քարտեզ) Մի քեֆ, մի ուրախություն․ ԸՆԿԵՐ ՓԱՆՋՈՒՆԻ  Իրականությունից կտրվածները Այն ճանապարհը, որն ընտրել է Հայաստանի իշխանությունն ու այդ իշխանությանն ընտրած ժողովուրդը, անհամատեղելի է Արցախ ունենալու հետ. Սամվել Շահրամանյան 6 տարի առաջ այս օրը ընկան հազարավոր ՏՂԱՆԵՐ