Հայաստանի անտառներում կենդանական կերային բուրգը լիարժեք վերականգնված է. Փաշինյան

2019 թվականին Հայաստանում ապօրինի անտառահատման և որսագողության դեպքերն ակնհայտ նվազել են, որի արդյունքում մարդկանց և տեխնիկայի մուտքն անտառներ ավելի քիչ է դարձել: Այս մասին այսօր մամուլի ասուլիսի ժամանակ ասաց ՀՀ վարչապետ Նիկոլ Փաշինյանը ընդգծելով, որ արդյունքում կենդանիների համար կերային բազայի առկայությունը մեծացել է:

«Ենոքավան գյուղի տարածքում կովկասյան ընձառյուծի հայտնվելը կարող է արդյունք լինել թվարկված դրական գործոնների և կերային շղթայի վերականգնման: Կարող ենք արձանագրել, որ 50 տարվա դադարից հետո ընձառյուծը վերադարձել է Տավուշի մարզ: Տավուշը դարձավ չորրորդ մարզը, որտեղ ընձառյուծ է բնակվում»,-ասաց վարչապետը նշելով, որ ընձառյուծի առկայույթյունը մի քանի փաստի մասին է վկայում: Առաջինն այն է, որ ընձառյուծն այդտեղ կարող է սնվել. «Ընձառյուծը գիշատիչ է, իսկ գիշատիչները սնվում են եղնիկով, վայրի խոզով և տարբեր այլ կենդանիներով: Իսկ մի ժամանակ կար, որ արձանագրում էինք Հայաստանի անտառներում կենդանի չի մնացել, որովհետև որսագողություն էր տեղի ունենում ընդհուպ շուկաներում վաճառվում էր այդ միսը: Սա վկայում է, որ մեր անտառներում կենդանական կերային բուրգը լիարժեք վերականգնված է»,-ասաց Նիկոլ Փաշինյանը:

Այս թեմայով Մի քեֆ, մի ուրախություն․ ԸՆԿԵՐ ՓԱՆՋՈՒՆԻ  Իրականությունից կտրվածները Այն ճանապարհը, որն ընտրել է Հայաստանի իշխանությունն ու այդ իշխանությանն ընտրած ժողովուրդը, անհամատեղելի է Արցախ ունենալու հետ. Սամվել Շահրամանյան Անկախության օրը՝ ախմախ անակնկալներով Ո՛չ Կառավարությունը պետք է դառնա եկեղեցական ժողով, ո՛չ Եկեղեցին՝ կառավարություն