Դպրոցներում ե՞րբ կազդարարի վերջին զանգը

Ինչպես տեղեկացանք ավելի վաղ, ԿԳՄՍ Նախարար Արայիկ Հարությունյանը նշել է, որ վերջին զանգի միջոցառումները կանցկացվեն միայն այն ժամանակ, երբ առողջապահության նախարարությունը կհայտարարի համավարակի հաղթահարման մասին և գործող սահմանափակումները կվերացվեն:

«Մենք միասին որևէ օր կորոշենք, ու Վերջին զանգի արարողությունները կիրականացնենք: Նախարարներն ու պաշտոնյաներն էլ ձեզ հետ միասին կմասնակցեն»,- դպրոցն ավատրող աշակերտներին խոստացավ նախարարը:
Նա չթաքցրեց, որ կարանտինից հետո նման միջոցառումների կարիքը շատերն ունեն, ուստի հենց թույլատրվի հանրային միջոցառումները կիրականացվեն, կնշվի նաև վերջին զանգը:

«Ես գիտեմ, թե յուրաքանչյուրիս կյանքում այս իրադարձությունը որքան կարևոր է, որովհետև մի շատ կարևոր էջ փակում ենք ու մի շատ կարևոր էջ՝ բացում: Բայց գիտեք, որ ունենք համավարակի տարծման խնդիր, և ըստ էության պետք է արձանագրենք, որ երիտասարդները, պատանիներն ու աշակերտները, եթե անգամ հիվանդանում են, մեծ մասամբ ախտանիշներ չեն ունենում, բայց դառնում են վարակակիր: Եվ, եթե մեծ միջոցառումներ իրականացնենք, ապա իրենք կարող են վարակը տարածել իրենց ընտանիքներում, որտեղ կան տատիկ-պապիկներ, ծնողներ, որոնք կարող են ունենալ խրոնիկ հիվանդություններ»,- շեշտել է նախարարը:

Իսկ ահա երկու օր առաջ հայտարարվեց սահմանափկումների էական թուլացման մասին, ըստ որի կգործի հանրային սրանսպորտը, կաշխատեն մակապարտեզներն, մարզասրահներն ու առևտրի սրահները: Iravunk.com-ը կապ հաստատեց ԿԳՄՍ նախարարի մամուլի խոսնակ Օֆելյա Կամավոսյանի հետ, պարզելու, թե երբ դպրոցներում կազդարարեն վերջին զանգի միջոցառումները:

Օֆելյա Կամավոսյանն իր խոսքում նշեց, որ վտանգը դեռևս չի անցել և ոչինչ հստակ չէ: Վերջինս նշեց, որ նախարարությունը երբ ունենա նման քննարկում և կայացվի որևէ նոր որոշում անպայման դպրոցահասակներն այդ մասին կտեղեկանան: Օֆելյա Կամավոսյանը նաև նշեց, որ չնայած մանկապարտեզները շուտով անցնելու են իրենց բնականոն աշխատանքին, սակայն մանկապարտեզներում ավարտական միջոցառումները ևս անթույլատրելի են:

Հայկ Գևորգյան

Այս թեմայով Այս կենդանակերպի նշանների ներկայացուցիչները կարող են անսպասելի հաջողություն ունենալ սեպտեմբերի վերջին Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան Սեպտեմբերի վերջին երեք կենդանակերպի նշաններ մեծ փոփոխություններ կզգան Իրանի միջուկային զենք ստեղծելու վերջին զգուշացումը հղեց Թրամփը վերջին րոպեին չեղարկեց հուսիթների վրա հարձակումը. The New York Times