«Յուրգեն Կլոպը Հայաստանի հավաքականի համար իդեալական մարզիչ կլիներ».Կարապետյան

Հայաստանի ազգային հավաքականի և «Սոչիի» հարձակվող Ալեքսանդր Կարապետյանը հարցազրույց է անցկացրել «Российская газета»-ի հետ, որի ընթացքում պատասխանել է այն հարցին, թե ով իդեալական մարզիչ կլիներ Հայաստանի հավաքականի համար։

«Յուրգեն Կլոպը։ Ի դեպ, ես նրա որդու դեմ խաղացել եմ Գերմանիայում։ Այդ ժամանակ Կլոպն աշխատում էր «Մայնցում»։ Հիշում եմ՝ նա եկել էր՝ իր որդու մասնակցությամբ խաղը դիտելու։ Մարդիկ մոտեցան նրան, լուսանկարվեցին։

Այդ հանդիպմանը ներկա էր նաև հայրս։ Նա խոսեց Կլոպի հետ։ Ոչ ոք չէր ակնկալում, որ նա այդպիսի բարձունքների կհասնի»,- ասել է Կարապետյանը։

Անդրադառնալով այն հարցին, թե հաջորդ ընտրական փուլում Հայաստանի հավաքականն ունի՞ ռեալ հնարավորություններ մեծ մրցաշարի մասնակցելու, Կարապետյանն ասել է․ «ԵՎՐՈ 2020-ում հանդես գալու բոլոր հնարավորություններն ունեինք։ Եթե Հենրիխը վնասվածք չստանար, գուցե ամեն ինչ ուրիշ կերպ դասավորվեր։ Մեր հավաքականում կարելի է փոխարինել բոլորին՝ ինձ ու մյուսներին, բայց ոչ Մխիթարյանին։ Նա մեզ համար անփոխարինելի է»։

Այս թեմայով Էստի համեցեք․ ԸՆԿԵՐ ՓԱՆՋՈՒՆԻ Իրականությունից կտրվածները Այն ճանապարհը, որն ընտրել է Հայաստանի իշխանությունն ու այդ իշխանությանն ընտրած ժողովուրդը, անհամատեղելի է Արցախ ունենալու հետ. Սամվել Շահրամանյան 6 տարի առաջ այս օրը ընկան հազարավոր ՏՂԱՆԵՐ Ո՛չ Կառավարությունը պետք է դառնա եկեղեցական ժողով, ո՛չ Եկեղեցին՝ կառավարություն