Թանգարանային գիշերն այս տարի տեղի կունենա նոյեմբերին

Մայիսի 18-ը Թանգարանների միջազգային օրն է: Սակայն, կորոնավիրուսով պայմանավորված, երկրում հայտարարված Արտակարգ դրության հետեւանքով, այս տարի թանգարաններն իրենց ծրագրերը կներկայացնեն առցանց հարթակում:

 «Թանգարանները հանուն հավասարության. բազմազանություն եւ ներառականություն» միջազգային խորագրի ներքո բոլոր թանգարաններն իրենց ծրագրերն այս տարի կներկայացնեն առցանց հարթակում, իսկ «Թանգարանների գիշեր» համաեվրոպական միջոցառումը կանցկացվի նոյեմբերին՝ ելնելով իրավիճակից։ 

Մինչեւ մայիսի 18-ը թանգարաններն իրենց հետեւորդներին կառաջարկեն տանը ստեղծել «Թանգարանային անկյուն»` տարբեր խորագրերով եւ ձեւաչափերով՝ առցանց ցուցահանդես, էքսկուրսիա եւ այլն։

Թանգարանների միջազգային օրը հռչակվել է Թանգարանների միջազգային խորհրդի (ICOM - The International Council of Museums) որոշմամբ՝ 1977 թվականի մայիսի 18-ին, ռուսական պատվիրակության առաջարկությամբ: 1978թ.-ից այս օրը նշում է աշխարհի ավելի քան 150 երկիր, այդ թվում եւ Հայաստանը:

Տոնի շրջանակում անց է կացվում նաեւ «Թանգարանների գիշեր»: Այդ օրը Հայաստանի թանգարաններն այցելուների համար բաց են լինում երեկոյան 18:00-ից մինչեւ կեսգիշեր: Թանգարանները հանդես են գալիս նաեւ մի շարք միջոցառումներով: Հայաստանն այս նախաձեռնությանը միացել է 2005թ.:

 «Թանգարանների գիշեր»-ն առաջին անգամ անցկացվել է 1997թ. Բեռլինում: Բեռլինի քաղաքային իշխանություններն ամբողջ գիշեր բաց թողեցին քաղաքի թանգարանների դռները: Այս նախաձեռնությունը ժողովուրդը մեծ ոգեւորությամբ ընդունեց: Շուտով այս ակցիային միացավ եւս 20 գերմանական քաղաք:

 1999թ. Ֆրանսիայի մշակույթի նախարարության առաջարկով ֆրանսիական թանգարանները տարվա մեջ մեկ օր բաց էին եւ անվճար հասարակության համար: Այս ակցիան կոչվում էր «Թանգարանային գարուն»: Շուտով այս նախաձեռնությունը գրավում է Եվրոպական մշակութային կոնվենցիային անդամակցող երկրների ուշադրությանը:

2001թ. նախաձեռնությունը վերանվանվում է «Թանգարանների գիշեր»-ի, որը վերջին տարիներին հովանավորվում է ՅՈՒՆԵՍԿՕ-ի կողմից: Այս նախաձեռնությանն է միացել նաեւ Թանգարանների միջազգային խորհուրդը:

ԼԻԼԻԹ ԵՂԻԱԶԱՐՅԱՆ

Այս թեմայով Էլ մեղավորներ չեմ փնտրում… Հայտնի փաստաբանը «Իրավունքի» խնդրանքով 6 տարի անց վերապրեց դաժան պատմության էջը 23 տարի Արցախի հողը գրկած ապրեցիր, տղաս… Հիմա թող հողը խաղաղությամբ գրկի քեզ․ հերոս Արտուշ Արզումանյանի մայր Երեք տարի գերության մեջ. Արայիկ Հարությունյանը, Ռուբեն Վարդանյանն ու մյուս հայերը շարունակում են ապօրինի պահվել Ադրբեջանում Այս կենդանակերպի նշանների ներկայացուցիչները կարող են անսպասելի հաջողություն ունենալ սեպտեմբերի վերջին 3833 զոհ, 191 անհայտ կորած. 44-օրյա պատերազմից անցել է վեց տարի