Իմ դեմ դատական գործ է սկսվել այն բանի համար, որ Հրաչյա Հակոբյանին անվանել եմ աներձագ. Մարինա Խաչատրյան

Օրեր առաջ ԱԺ-ի կողմից վավերացված «Սեռական շահագործումից և սեռական բնույթի բռնություններից երեխաների պաշտպանության մասին» ԵԽ կոնվենցիայի, ինչպես նաև ԱԺ իմ քայլը խմբակցության պատգամավոր Հրաչյա Հակոբյանի կողմից ներկայացված դատական հայցի մասին,Iravunk.com-ը զրուցեց Առողջ հանրություն» ՀԿ նախագահ,նեյրովիրաբույժ Մարինա Խաչատրյանի հետ:

- Տիկին Խաչատրյան, ի՞նչ կասեք ԱԺ-ի կողմից վավերացված «Սեռական շահագործումից և սեռական բնույթի բռնություններից երեխաների պաշտպանության մասին» ԵԽ կոնվենցիայի մասին:

- Մանրամասն ուսումնասիրել եմ կոնվենցիան և գտել եմ բազմաթիվ խնդրահարույց կետեր: Օրինակ, կոնվենցիայում ասվում է, որ սեռական հարաբերություն կարող են ունենալ 13 տարեկանից սկսած: Սա նշանակում է, որ զգալիորեն նվազեցվում է սեռական հարաբերություն ունենալու տարիքային սահամանը, որը համարվում է մանկապղծություն: Վերոնշյալ կոնվենցիան օրինականացնում է մանկապղծությունը: Այդքան մի բան: Մանկապղծությունը միանշանակ Նիկոլ Փաշինյանի պիղծ որոշումների արդյունքն է: Առանց նրա համաձայնության ոչինչ լինել չի կարող: Նիկոլ Փաշինյանն օտարի ձեռքում ընդամենը խամաճիկ է: Մի մարդ, որ կարող է իր ազգի երեխաների համար նմանատիպ օրենք ընդունել, ուղղակի մանկապիղծ անհայրենիք է: Մեր երեխաների սեռական դաստիարակությամբ սկսելու են զբաղվել հասարակական կազմակերպությունները, ինչպես իրենք են նշում քաղաքացիական հասարակությունը: Մենք շատ լավ հիշում ենք մանկահասակների համար նախատեսված «Իմ մարմինն անձնական է» գրքույկը, որը ներկայացնում էր մի անձնավորություն, ով չունի մասնագիտական կրթություն և համապատասխան որակավորում: Այսինքն՝ մեր երեխաների սեռական կրթությունը մենք պետք է վստահենք անհայտ կրթություն ունեցող,անհայտ մարդկանց: Ասեմ ավելին, մենք բոլորս գիտենք, որ այդ քաղաքացիական հասարակություն զանգվածը սորոսական ծրագրեր է ներկայացնում, իսկ մենք շատ լավ գիտենք, թե սորոսականներն ինչ են ուզում Հայաստանում անել: Ընդունված կոնվենցիայի արդյունքում գործելու է թեժ գիծ,և յուրաքանչյուր քաղաքացի կարող է զանգել,ասելով,որ կասկած ունի,որ երխայի հանդեպ սեռական բռնություն է տեղի ունեցել: Ստացվում է, որ օրինակ, եթե իմ հարևանը բղավում է իր երեխայի վրա, ես կարող եմ զանգահարել, և նման բաներ խոսել, ու իմ ահազանցից հետո կարող են գալ ու այդ երեխային տանել: Օրինակ` ԱՄՆ-ում կա երեխային ծնողից տանելու պրակտիկա: Այդ պրակտիկայով երեխայի հետ կարող են ամեն ինչ անել: Այդ ամենի ֆոնին և մանկավաճառությունը կարող է աճել և օրգանների վաճառքը: Երեխան պետք է դաստիարակավի ընտանիքում, իսկ այս կոնվենցիան վավերացվել է նրա համար, որ մեր երեխաներին օտարեն ընտանիքներից: Ես վստահ եմ, որ հետագայում մեր երեխաներին սովորեցնելու են թրքասիրություն: Ես գիտեմ օրինակներ, որ հայ երեխան արդեն թրքասեր է դարձել: Նիկոլ Փաշինյանն այդ ծրագրերի ֆոնին պետք է ճանաչվի ազգի դավաճան:

- Օրերս պարզ դարձավ,որ վարչապետ Նիկոլ Փաշինյանի աներորդին՝ Հրաչյա Հակոբյանը դատական հայց է ներկայացրել չորս տարբեր անձանց դեմ, որոնց թվում է նաև դուք եք: Մի փոքր կմանրամասնե՞ք, թե ինչու:

- Դե արդեն այլակարծության համար ընտանյոք հանդերձ են հաշվեհարդար տեսնում: Դատական հայց է ներկայացվել չորս քաղաքացու դեմ, սակայն մենք չորսս էլ ճշմարտությունն ենք բարձրաձայնել, որն էլ իրենց դուր չի եկել: Այդ ընտանիքին թվում է, որ կարող է ճշմարտությունն այս տարբերակով կեղծել: Սա ընդամենը բռնաճնշում է, որը հակասում է սահմանադրությամբ ազատ խոսքի արտահայտման իրավունքին: Ուշագրավ է, որ իմ հայտարարության մեջ չի եղել որևէ վիրավորանք: Իմ դեմ դատական գործ է սկսվել միայն այն բանի համար, որ Հրաչյա Հակոբյանին անվանել եմ աներձագ: Պարոն Հրաչյա Հակոբյանը մատնանշել է որպես վիրավորանք աներձագ բառը: Բոլորն են հասկանում, որ սա բռնաճնշումների մեխանիզմ է, բայց մենք նույնիսկ թուրքից չենք վախենում, ուր մնաց սրանցից վախենանք: Մենք մեր հայրենիքը չենք տալու թուրքի գործակալներին:

Հայկ Գևորգյան 

Այս թեմայով Անկախության օրը՝ ախմախ անակնկալներով Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան Իրանական աղբյուրները հետաքրքիր դրվագ են ներկայացնում Փաշինյանի եւ Փեզեշքյանի հանդիպումից (Տեսանյութ) ՇՏԱՊ. Հակակոռուպցիոն կոմիտեն մտավ Աբովյանի համայնքապետարան. Բաբայան Էդոյի գործը «բուրդ է» Ձախողվեց մեր պետության զավթման ծրագիրը. Փաշինյանի ելույթը ՄԱԿ-ում