«ԱՎԵԼԻ ԼԱՎ Է ԲԱՆՏ ԳՆԱՄ, ՔԱՆ ԼԱՐԱ ԱՀԱՐՈՆՅԱՆԻ ՊԵՍ ՄԵԿՆ ԻՄ ԵՐԵԽԱՅԻՆ ԴԱՍԱՎԱՆԴԻ»

Մենք զրուցեցինք Երեւանի  ավագանու «Լույս» խմբակցության անդամ Անի Խաչատրյանի հետ, վերջին շրջանում ԱԺ-ի կողմից վավերացված «Սեռական շահագործումից եւ սեռական բնույթի բռնություններից երեխաների պաշտպանության մասին» ԵԽ կոնվենցիայի, ինչպես նաեւ այլ հարցերի մասին:

– Տիկին Խաչատրյան, ինչպես արդեն ավելի վաղ տեղեկացանք, ԱԺ-ն վավերացրեց «Սեռական շահագործումից եւ սեռական բնույթի բռնություններից երեխաների պաշտպանության մասին» ԵԽ կոնվենցիան: Դուք ի՞նչ դիրքորոշում ունեք այս ամենի վերաբերյալ` թե՛ որպես ավագանու անդամ, թե՛ որպես հայ մայր:

– Երբ կոնվենցիան խորությամբ ուսումնասիրում ես, ինքնին սարսափելի չէ, ավելին` լավ է, սակայն կա մի կետ, որտեղ ասվում է, որ քաղակտիվիստները կարող են ոգեշնչել վերոնշյալ կոնվենցիան, սակայն պետությունը պետք է որոշի, թե ինչպես մատուցվի այն: Մենք մատուցման փորձ ունեցանք, որն ուղղակի կռվի վերածվեց, եւ այստեղ առաջ է գալիս, թե ով է մատուցելու: Գերխնդիր է, որ մենք չգիտենք, թե ով պետք է նման նուրբ թեման մեր երեխաներին մատուցի: Մենք բոլորս շատ լավ գիտենք հասարակական կազմակերպությունների մոտեցումները, վերաբերմունքն ու որոշ անձանց սեռական նախասիրությունները: Ես` որպես մայր չեմ կարող թույլ տալ, որ իմ երեխային Լարա Ահարոնյանը, կամ նրա պես մեկը դասավանդի սեռական դաստիարակություն: Միգուցե, նոր Հայաստանում շատերը մեզ համարում են հետամնաց, սակայն ես գերադասում եմ լինել հայ հետամնաց, քան թույլ տամ, որ նման մտածելակերպի տեր մարդն իմ երեխային ինչ-որ բան սովորեցնի: Ես ավելի լավ է բանտ գնամ, քան Լարա Ահարոնյանի պես մեկն իմ երեխային դասավանդի:

– Տիկին Խաչատրյան, ի՞նչ կարծիքի եք Մահաթմա Գանդիի արձանը Երեւանի Հալաբյան եւ Մարգարյան փողոցների միջանկյալ զբոսայգու տարածքում տեղադրելու մասին:

– Մենք դրան կողմ ենք քվերակել: Առանձնապես մեծ խնդիր չեմ տեսնում դրա մեջ, եւ աղմուկ բադձրացնելու կարիք էլ չկա:

ՀԱՅԿ ԳԵՎՈՐԳՅԱՆ

Այս թեմայով Գերմանիայից ժամանած բժշկին թույլ չեն տվել «Երևան-Կենտրոն» ՔԿՀ-ում զննել Գագիկ Խաչատրյանին․ հայտարարություն ՇՏԱՊ. Որպես անհետ կորած որոնվում է 2011թ. ծնված Անի Գևորգյանը Գագիկ Խաչատրյանի փաստաբանները պարզաբանում են ներկայացրել 193 գույքի և պարտատոմսերի վերաբերյալ Փաշինյանը սկսեց «ձեռ առնել» Սուրիկ Խաչատրյանին. «Մարդու իրավունքների մեծ պաշտպան է» Նեկրոդատավարությունների երկիր Հայաստան