Հայրենական պատերազմի 75-ամյակը շնորհավորեցին 5 օր անց

Հայրենական մեծ պատերազմի փառապանծ հաղթանակի 75-ամյակի կապակցությամբ՝ հեռախոսազրույց այդպես էլ չունեցան վարչապետ Նիկոլ Փաշինյանն ու ՌԴ նախագահ Վլադիմիր Պուտինն՝ ի տարբերություն ԵԱՏՄ այլ երկրների ղեկավարների: Եվ միայն երեկ ՀՀ Ազգային ժողովի նախագահ ԱՐԱՐԱՏ ՄԻՐԶՈՅԱՆԸ ռուսական կողմի նախաձեռնությամբ հեռախոսազրույց է ունեցել ՌԴ Պետական դումայի նախագահ Վյաչեսլավ Վոլոդինի հետ: Կողմերը 5 օր ուշացումով շնորհավորել են միմյանց` Հայրենական մեծ պատերազմում տարած հաղթանակի 75-ամյակի կապակցությամբ: Հայ-ռուսական հարաբերությունների ավելի լավ լինելու մասին օրվա իշխանություններն արդեն չեն էլ խոսում, ավելին՝ «Իրավունքի» ունեցած տեղեկությունների համաձայն, ռուսական կողմի վերաբերմունքը լուրջ մտահոգություն է առաջացրել իշխանական վերնախավում: Նույնիսկ հրահանգվել է իշխանական պատգամավորներին եւ մերձնիկոլական շրջանակներին զգույշ լինել Ռուսաստանի հասցեին որեւէ հայտարարություն կամ մեկնաբանություն անելուց՝ չբորբոքելով առանց այն էլ լարված իրավիճակը:

ՀՐԱՆՏ ՍԱՐԱՖՅԱՆ

Այս թեմայով Ո՛չ Կառավարությունը պետք է դառնա եկեղեցական ժողով, ո՛չ Եկեղեցին՝ կառավարություն Արարատ Միրզոյանը Նյու Յորքում քննարկել է Արցախից բռնի տեղահանված անձանց երկարաժամկետ ինտեգրմանն ուղղված ծրագրերը Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան Սեպտեմբերի վերջին երեք կենդանակերպի նշաններ մեծ փոփոխություններ կզգան Հարցվածների 29.4%-ը նշել է, որ պիտի մնանք ԵԱՏՄ-ում, 35.1%-ը կարծում է՝ պիտի շարժվել դեպի ԵՄ