ԷԿՈՆՈՄԻԿԱՅԻ ՆԱԽԱՐԱՐՈՒԹՅՈՒՆԸ ՄԱՏՆԵՐԻ ԱՐԱՆՔՈՎ Է ՆԱՅՈՒՄ ԿԱՌԱՎԱՐՈՒԹՅԱՆ ՀԱՆՁՆԱՐԱՐԱԿԱՆԻՆ

ՀՀ պարետ Տիգրան Ավինյանին դեռեւս ապրիլի 28-ին ուղարկել էինք պաշտոնական հարցում՝ պարզաբանում խնդրելով հետեւյալ հարցերի շուրջ.

- Որքա՞ն գումար է հատկացվել հյուրանոցներին մինչ օրս` կորոնավիրուսով հիվանդ կամ կարանտինային պայմաններում գտնվող մեր քաղաքացիների կեցության եւ սննդի խնդիրները ապահովելու նպատակով:

Ինչպե՞ս են ընտրվել հյուրանոցներն ու հյուրատները, որտեղ իրենց կարանտինն են անցկացնում մեր հայրենակիցները:

Անցկացվե՞լ է արդյոք մրցույթ` հյուրանոցների ընտրության համար:

Ո՞ր ընկերություններն են մատակարարում սնունդ հյուրանոցներում գտնվող մեր հայրենակիցներին:

Պատասխանելու համար օրենքով սահմանված ժամկետները քանիցս խախտվել են: Նկատենք, որ մեր հարցումը, որն ի սկզբանե ուղարկվել էր կառավարություն: Մեզ տեղեկացրել էին, որ այն վերահասցեագրվել է Էկոնոմիկայի նախարարությանը, եւ որ այնտեղից կստանանք պատասխանը: Դրանից հետո արդեն, մոռացել ենք, թե քանի անգամ են ասել՝ այսօր կուղարկենք, վաղը կուղարկենք, ու այդ այսօր-վաղն այդպես էլ չի գալիս: Քանի որ հարցումն ուղարկվել էր կառավարություն, փորձեցինք հետաքրքրվել, թե ինչպե՞ս է ստացվում, որ կառավարության հանձնարարականին մատների արանքով են նայում նախարարությունում: Դա էլ մի կողմ՝ օրենք են խախտում, այն էլ կառավարության անունից. ի վերջո, հենց կառավարության համապատասխան կառույցն էր պարտավոր՝ նախատեսված օրենքով սահմանված կարգով պատասխանել: Փոխարենը, կառավարությունից ստացանք նույն պատասխանը՝պատասխանը գրեթե պատրաստ է, եւ, ներողություն խնդրելով, տեղեկացրին, որ հնարավորինս արագ կփոխանցեն:

ԻԼՈՆԱ ԱԶԱՐՅԱՆ

Այս թեմայով Անկախության օրը՝ ախմախ անակնկալներով Բաբուխանյանը բարձրացրեց Արցախի օկուպացված քաղաքների հարցը Ադրբեջանական ագրեսիայի հետևանքով Արցախն ունեցել է 220-ից ավելի զոհ Որ խելքներդ չի հասնում, ծպտուն մի հանեք․ ԲԱՄԲԱՍԱՆՔ Ինչ լուծում է տեսնում քաղաքապետը