Մեղադրվում եմ այն պատճառով, որ բժիշկ եմ ու ընտրվել եմ Ազգային ժողովի նախագահ

Ինձ համար անհասկանալի է այս գործը, երբեք չեմ խախտել օրենքը և սահմանադրությունը, Արա Բաբլոյանի և Արսեն Բաբայանի գործով դատական նիստից հետո լրագրողների հետ զրույցում ասաց ԱԺ նախկին նախագահ Արա Բաբլոյանը։

«Բայց հասկացել եմ մի բան՝ մեղադրվում եմ այն պատճառով, որ բժիշկ եմ ու ընտրվել եմ Ազգային ժողովի նախագահ։ Որպես ԱԺ նախագահ՝ միշտ իմացել եմ, որ պետք է ապահովեմ ԱԺ բնականոն աշխատանքը։ Դրա համար ԱԺ-ն ունի 650 հոգանոց աշխատակազմ, այդ աշխատակազմը պատրաստում է բոլոր այն փաստաթղթերը, որոնց հիման վրա աշխատում են պատգամավորները։ Ես Գագիկ Հարությունյանից ստացել եմ փաստաթուղթ և հանձնել եմ իմ աշխատակազմին, աշխատակազմը պատրաստել է պատասխան, որով ես հայտարարությամբ եմ հանդես եկել։ Ես ինձ թույլ չեմ տվել ասել՝ այսպես կամ այնպես արեք։ Իրենք արել են այնպես, ինչպես պահանջում է օրենքը», - ասաց Արա Բաբլոյանը։

Ինչ վերաբերում է օրերին, Բաբլոյանն ասաց, թե դրանք որևէ նշանակություն չունեն.

«5-ին հրապարակվել է իմ հայտարարությունը, և, ըստ օրենքի, դրանից 7 օր հետո եղել է 2-րդ հայտարարությունը։ Մնացած օրերը, որոնց մասին հրապարակել են, համարում եմ գործավարական փնթիություն, որոնք որևէ իրավական հիմք չունեն», - ասաց Բաբլոյանը: 

Այս թեմայով Այն ճանապարհը, որն ընտրել է Հայաստանի իշխանությունն ու այդ իշխանությանն ընտրած ժողովուրդը, անհամատեղելի է Արցախ ունենալու հետ. Սամվել Շահրամանյան Ո՛չ Կառավարությունը պետք է դառնա եկեղեցական ժողով, ո՛չ Եկեղեցին՝ կառավարություն Աշխարհը գտնվում է գլոբալ նավթային ճգնաժամի եզրին՝ ԱՄՆ-Իրան երկարատև պատերազմի պատճառով. Bloomberg Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան «Լեվ Գրուպը» շարունակում է փաստաբանական պրոֆեսիոնալիզմի մաստեր կլաս ցույց տալ