Եղել են դժվարություններ, հիասթափություններ...Մխիթարյան

Ֆուտբոլի Հայաստանի ազգային հավաքականի ավագ, իտալական «Ռոմայի»  կիսապաշտպան, Հայաստանում ՅՈւՆԻՍԵՖ-ի բարի կամքի դեսպան Հենրիխ Մխիթարյանը ուղիղ եթերում պատասխանել է «Հայաստանի մանուկներ» հիմնադրամի (COAF) ինստագրամյան էջի այցելու երեխաների հարցերին։

«Լավ ֆուտբոլիստ դառնալու գաղտնիք չկա, ավելի շատ ցանկություն է։ Պետք է կարողանաս շատ բաներից քեզ զրկել, նպատակ ունենալ, աշխատել։ Միայն տաղանդը քիչ է, պետք է անել առավելագույնը։ Այդպես է բոլոր բնագավառներում։ Հենց այնպես, ուղղակի ժամանակ անցկացնելու համար իմաստ չկա, ժամանակ ես վատնում։ Պետք է գտնես քոնը, ցանկությունը, նպատակը եւ առաջ շարժվես։

Ես միշտ ասել եմ, որ նպատակս եղել է լավ ֆուտբոլիստ դառնալը, ոչ մի վայրկյան չեմ կասկածել։ Եղել են դժվարություններ, հիասթափություններ, բայց դրանք տեւել են առավելագույնը մեկ օր, եւ ես առաջ եմ շարժվել։

Ֆուտբոլիստի կյանքում շատ են քննադատություններ․ մեկ վատ հանդիպում, եւ բոլորը քեզ քննադատում են։ Պետք է կարողանաս ամեն ինչին պատրաստ լինել։ Եթե հաճույք ստանաս ֆուտբոլից, արդեն երկրպագուներն էլ հաճույք կստանան քո խաղից։

Եթե թույլ եղար, չես կարող ֆուտբոլ խաղալ, այլ մարզաձեւով զբաղվել։ Պետք է ունենաս ամուր նյարդեր եւ դիմադրես այդ ամենին։

Իմ կարիերայում բեկումնային պահերը եղել են բոլոր տեղափոխությունները ակումբից ակումբ։

Աստված բոլորին հնարավորությունները բաշխում է հավասարաչափ, բայց կախված է՝ կօգտվես դրանցից, թե չես օգտվի»,- ասել է Մխիթարյանը։

Հայ ֆուտբոլիստը նաեւ նշել է, որ «Ռոմայի» ղեկավարությունը ֆուտբոլիստներին խնդրել է կորոնավիրուսի պանդեմիայի ժամանակ չհեռանալ Իտալիայից, քանի որ վերադառնալուց հետո ստիպված կլինեն երկու շաբաթ մեկուսանալ։ Այս շաբաթ «Ռոման» վերսկսել է մարզումները։

Այս թեմայով Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան Ինչ նոտարական ծառայությունից է օգտվել Արայիկ Հարությունը իրականում. Բաքվի գերությունը հաղթահարած Գեւորգ Սուջյանը փակագծեր է բացում Այսօր հայտնի իրավապաշտպան Լեվոն Բաղդասարյանի քույրիկի տարեդարձն է Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Էդ ձեր ասած սպանությունների ժամանակ Ռուբեն Մխիթարյանը 12 տարեկան երեխա ա էղել, ի՞նչ հարցեր էիք տալիս