Պատահական չէր, որ ԱԺ-ի ծեծկռտուքը հաջորդեց Փաշինյան-Մարուքյան հանդիպմանը

Որոշ աղբյուրներ ակնարկում են այն մասին, որ երեկ ԱԺ-ում տեղի ունեցած ծեծկռտուքը հենց այնպես, օդից չընկավ։ Աղբյուրները հուշում են, որ նախ պետք է ուշադրություն դարձնել այն փաստին, որ միջադեպը հաջորդեց նախօրեին ԱԺ-ում տեղի ունեցած Փաշինյան-Մարուքյան հանդիպմանը։ Այն Փաշինյանը համարեց համատեղ սրճախմությունը, թեեւ զգացվում էր, որ նա հանդիպումից հետո բավականին նյարդային վիճակում է։ Այն աստիճան, որ կոպտորեն թիկնապահներին հրահանգեց՝ ճանապարհն ազատել լրագրողներից։ Իսկ ահա Մարուքյանը որոշ չակերտներ բացեց։ Ընդ որում, առաջին հայացքից տպավորությունն այն էր, որ Մարուքյանը խոսում է Նիկոլի օգտին, թե՝ «Էս պահին ես մտահոգություն չունեմ Արցախի հիմնախնդրի հետ կապված առ այն, ինչ որ Հայաստանում անդադար շահարկվում է»։ Մինչդեռ մեր աղբյուրը նկատում է․ «Եթե իրոք այդ կարեւոր հարցի հետ կապված հանդիպումն այնքան լավ էր անցել, որ Մարուքյանը մի կողմ թողած դրան նախորդած հրապարակային մտահոգությունները, ամենակարեւոր հարցի՝ Արցախի հետ կապված Փաշինյանի դիրքորոշման օգտին հրապարակային հայտարարություններ էր անում, ապա պետք է, որ հարաբերությունները միանգամից անցներ սուպերջերմացման փուլ, որի դեպքում հենց հաջորդ օրը տեղի ունեցած միջադեպը պարզապես կբացառվեր։ Մինչդեռ հենց Փաշինյանի ներկայությամբ տեղի ունեցած նման միջադեպն ավելի շատ Մարուքյանի աչքը վախեցնելու տպավորություն թողեց, իսկ Փաշինյանն էլ հաջորդած ելույթի ժամանկ նրա հասցեին այնպիսի մտքեր հնչեցրեց, որոնք խոսում են միանգամայն հակառակի, որ ջերմացման փոխարեն նախօրեին խորը հակասության մեջ են մտել։  Կամ կապված Արցախի հետ, եւ այդ դեպքում Մարուքյանի հետագա ասածները պետք է այլ կերպ հասկանալ կամ էլ, որ Արցախից բացի, այլ թեմաներ էլ են եղել, որոնք երկուսն էլ չներկայացրեցին։ Իսկ ահա կան խոսակցություններ, որ իրականում եղել է այդ երկուսի համատեղումը, սակայն դեռ թույլ տվեք փակագծեր չբացել»։

Եվ իրոք, Թեեւ Մարուքյանը առաջին հայացքից Արցախի հետ կապված Փաշինյանի հայտնի կարծիքն է հաստատում, թե՝ մտահոգություն չկա, բայց նաեւ ընդգծելով՝ «էս պահին»։ Այսինքն կարող է վաղը-մյուս օրը պարզվի, որ Մարուքյանը մտահոգություններ, այնուամենայնիվ, ունի՞։

Ս․Աբրամյան

Այս թեմայով Մի քեֆ, մի ուրախություն․ ԸՆԿԵՐ ՓԱՆՋՈՒՆԻ  Իրականությունից կտրվածները Անկախության օրը՝ ախմախ անակնկալներով Ձախողվեց մեր պետության զավթման ծրագիրը. Փաշինյանի ելույթը ՄԱԿ-ում Համբերեք ձմեռը դուրս գանք. Ինչ է հրահանգել Փաշինյանը թիմակիցներին