Ես Մեծ հաղթանակի ծոռներից եմ. Մարիամ Հովսեփյան

Մեծ Հայրենական պատերազմում մեր փառապանծ Հաղթանակի 75-րդ տարեդարձին ընդառաջ` «Իրավունքը» շարունակում է «Մեր հերոս պապերը» խորագրով հոդվածաշարի ներքո, առանց քաղաքական տարբերակման՝ ներկայացնել տարբեր ոլորտներում մեր հայտնի հայրենակիցների ծնողների, պապերի ու տատերի այդ տարիների անցած ճանապարհը, ռազմական ուղին եւ սխրանքները: Պարզվում է` Հայրենական մեծ պատերազմի հաղթանակում իր մասնակցությունն է ունեցել նաեւ ռուսաստանաբնակ քաղաքագետ ՄԱՐԻԱՄ ՀՈՎՍԵՓՅԱՆԻ Մարիամ տատի հայրը:

- Հայրենական պատերազմը տատիկիցս խլեց հորը, իր երիտասարդությունն եւ բարձրագույն ուսումնական հաստատություններում սովորելու հնարավորությունը: Մարիամ տատիս հայրը՝ Դիլոյան Սահակը 1899 թ-ին ծնված գնացել է պատերազմ՝ հենց սկզբից՝ 1941 թ-ին, հետո մեկ տարի անց վերադարձել է, բայց հանկարծակի նորից զորակոչվել է:  Իրենից վերջի նամակը ստացել են Կերչից 1943 թ.-ին, իսկ ավելի ուշ ստացել են սեւ թուղթը։ Նա անհայտ կորածների շարքին է դասվում…

Տատիկս, ում պատիվ ինձ անվանել են, միշտ արցունքոտ աչքերով էր պատմում այս մասին: Նա արտաքինով շատ նման է եղել իր հորը, երեւի ինքն էլ սիրել է նրան այնպես, ինչպես ես եմ սիրել հորս: Հիշում եմ, որ տատս միշտ ասում էր, որ բնավորությամբ նման եմ իրեն, բայց ավելի կատարելագործված տեսակը, քանի որ իր երիտասարդության տարիներին պատերազմն ամեն բան փչացրել էր։ Նա 1926 թ-ի ծնված էր եւ պատերազմի տարիներին 8-րդ դասարանից դուրս է եկել, ավարտել բուժքույրական կուրսեր եւ գնացել ֆրոնտ՝ վիրավորներին օգնություն ցուցաբերելու։

Կարծում եմ՝ այսօր էլ մեր հերոսական գեները քնած չեն եւ մշտապես արթնանում են՝ օրհասական պահին:

ՀՐԱՆՏ ՍԱՐԱՖՅԱՆ

Հ.Գ.- Այս շարքում հրապարակված մյուս հոդվածները կարդացե՛ք այստեղ:

Այս թեմայով 8 տարվա մեջ դու նոր հասկացա՞ր, թե գուցե սեփական բռնության հիմքով ես այդ հարցը բարձրաձայնում․ Հովսեփյան 23 տարի Արցախի հողը գրկած ապրեցիր, տղաս… Հիմա թող հողը խաղաղությամբ գրկի քեզ․ հերոս Արտուշ Արզումանյանի մայր Ո՛չ Կառավարությունը պետք է դառնա եկեղեցական ժողով, ո՛չ Եկեղեցին՝ կառավարություն Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան «Լեվ Գրուպը» շարունակում է փաստաբանական պրոֆեսիոնալիզմի մաստեր կլաս ցույց տալ