Պապիկս իր ջոկատի հետ միասին հասել է մինչեւ Բեռլին. Սարիկ Մինասյան

Մեծ Հայրենական պատերազմում մեր փառապանծ Հաղթանակի 75-րդ տարեդարձին ընդառաջ` «Իրավունքը» շարունակում է «Մեր հերոս պապերը» խորագրով հոդվածաշարի ներքո, առանց քաղաքական տարբերակման՝ ներկայացնել տարբեր ոլորտներում մեր հայտնի հայրենակիցների ծնողների, պապերի ու տատերի այդ տարիների անցած ճանապարհը, ռազմական ուղին եւ սխրանքները: Պարզվում է` Հայրենական մեծ պատերազմի հաղթանակում իր մասնակցությունն է ունեցել նաեւ ԱԺ «Լուսավոր Հայաստան» խմբակցության պատգամավոր ՍԱՐԻԿ ՄԻՆԱՍՅԱՆԻ պապը՝ Կոլյա Սարիբեկի Մինասյանը:

Մեզ հետ զրույցում նա նախ նշեց, որ մայիսի 9-ը իր համար մեծ տոն է, ինչպես բոլոր հայ ընտանիքներում, այնպես էլ իր ընտանիքում: Մինասյաններն այս օրը նշում են ոչ միայն Հայրենական Մեծ պատերազմի խորհրդային ժողովուրդների հաղթանակը, այլ նաեւ Շուշիի ազատագրումը:

- Պապիկս՝ Կոլյան, մասնակցել է 1941-1945 թվականներին, Խորհրդային Միության կողմից նացիստական Գերմանիայի եւ նրա դաշնակիցների դեմ մղած Հայրենական Մեծ պատերազմին, որը կազմել է Երկրորդ համաշխարհային պատերազմի մասը։ Պապիկիս հետ կապված հուշերս քիչ են, քանի որ 2 տարեկան եմ եղել, երբ նա մահացել է: Սակայն հայրիկս պատմել է, որ նա Հայրենական Մեծ պատերազմի ժամանակ իր ջոկատի հետ միասին հասել է մինչեւ Բեռլին։ Ծառայել է 89-րդ հայկական հրաձգային դիվիզիայում, լրիվ անվանումը՝ Հայկական 89-րդ Թամանյան կարմրադրոշ, Կուտուզովի Երկրորդ աստիճանի շքանշանակիր հրաձգային դիվիզիա։ Պատերազմի ընթացքում, թեժ մարտական գործողությունների ժամանակ, վիրավորվել է միայն մեկ անգամ: Հակառակորդի տանկային ուժերի դեմ պայքարելուց՝  խոցել են իր տանկը, որի արդյունքում հրդեհ է բռնկվել եւ դեմքին մնացել է սպի: Ապաքինվելուց հետո կրկին վերադաձել է ռազմաճակատ: Մահացել է 1982 թվականին:

ՀՐԱՆՏ ՍԱՐԱՖՅԱՆ

Հ.Գ.- Այս շարքում հրապարակված մյուս հոդվածները կարդացե՛ք այստեղ:

Այս թեմայով Աշխարհը գտնվում է գլոբալ նավթային ճգնաժամի եզրին՝ ԱՄՆ-Իրան երկարատև պատերազմի պատճառով. Bloomberg Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան Սեպտեմբերի վերջին երեք կենդանակերպի նշաններ մեծ փոփոխություններ կզգան Շոգը նահանջում է, տեղումնաբեր ցիկլոն կներթափանցի Հայաստան․ ջերմաստիճանը կնվազի Վերսկսվել է Հայաստան բնական գազի մատակարարումը «Հյուսիսային Կովկաս – Անդրկովկաս» գազատարով