​​​​​​​Պատերազմները, թեկուզ՝ հաղթանակով ավարտված, երբեք ցանկալի չեն. Վահե Հովհաննիսյան

Մեծ Հայրենական պատերազմում մեր փառապանծ Հաղթանակի 75-րդ տարեդարձին ընդառաջ` «Իրավունքը» շարունակում է «Մեր հերոս պապերը» խորագրով հոդվածաշարի ներքո, առանց քաղաքական տարբերակման՝ ներկայացնել տարբեր ոլորտներում մեր հայտնի հայրենակիցների ծնողների, պապերի ու տատերի այդ տարիների անցած ճանապարհը, ռազմական ուղին եւ սխրանքները: Պարզվում է` Հայրենական մեծ պատերազմի հաղթանակում իր մասնակցությունն է ունեցել նաեւ ԱԺ «Իմ քայլը» խմբակցության պատգամավոր ՎԱՀԵ ՀՈՎՀԱՆՆԻՍՅԱՆԻ պապի հայրը:

-  Սահակ Կնյազի Հովհաննիսյանը մասնակցել է Կովկասյան ռազմաճակատի մարտերին (1941թ. դեկտեմբեր-1942թ. հունվար), Կերչի (Ղրիմի) ինքնապաշտպանությանը (1942թ.հունվար-մայիս): 1942թ. մայիսին Կերչի մարտերում խորհրդային զորամիավորումները, այդ թվում՝ հայկական ստորաբաժանումները, ծանր կորուստներով պարտություն են կրել (1942թ. փետրվար-մայիս ամիսների գործողությունները պայմանականորեն որակվել են որպես «Կերչի մսաղաց»): Այդ մարտերից հետո պապիս հոր մասին այլեւս տեղեկություն չի ստացվել. նա համարվել է զոհված: Ցավոք՝ լուսանկար նույնպես չի պահպանվել: Հայտնի է, որ մինչեւ ռազմաճակատ մեկնելը Սահակ Հովհաննիսյանն ակտիվորեն մասնակցել է Նաիրիի շրջանի Արգել գյուղը ջրագծի կառուցման աշխատանքներին: Նրա անվան հետ է կապվում Հրազդան գետի կիրճից ժայռն ի վեր բարձրացող խողովակների անցկացման դժվարագույն աշխատանքը հաջողությամբ իրականացնելը:

- Ինչպե՞ս եք նշում մայիսի 9-ը եւ ինչպե՞ս եք Դուք վերաբերում Հայրենական Մեծ պատերազմին հայերի մասնակցությանը:

- Յուրաքանչյուր տարի՝ մայիսի 9-ին, ընտանիքիս անդամների ու համագյուղացիներիս հետ ծաղիկներ (հիմնականում՝ յասաման) եմ խոնարհում Հայրենական պատերազմի զոհերի հիշատակին նվիրված հուշարձանի մոտ: Պատերազմները, թեկուզ՝ հաղթանակով ավարտված, երբեք ցանկալի չեն: Սակայն եթե դիտարկենք այդ ժամանակաշրջանը, ապա պետք է նշեմ, որ հայ ժողովուրդն իր հերոսությունն է ցույց տվել Երկրորդ համաշխարհային պատերազմի ժամանակ, որի վառ ապացույցն են մեր կրկնակի հերոսները, հերոսներն ու բազմաթիվ պարգեւների արժանացած քաջորդիները: Չեմ ընդունում այն քննադատությունը, թե «հայերն իրենց հայրենիքի համար չեն պատերազմել», քանի որ գերմանական հարձակման հաջողության դեպքում Հայաստանը թուրքական կողմից կարող էր հարձակման ենթարկվել: Ուստի՝ պետք է գնահատել այն մեծ դերը, որ ունեցան հայ մարտիկները Հայրենական Մեծ պատերազմում:

ՀՐԱՆՏ ՍԱՐԱՖՅԱՆ

Հ.Գ.- Այս շարքում հրապարակված մյուս հոդվածները կարդացե՛ք այստեղ:

Այս թեմայով Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան Սեպտեմբերի վերջին երեք կենդանակերպի նշաններ մեծ փոփոխություններ կզգան Frankfurter Allgemeine. Ուկրաինայի հետ կապված գերմանական ռազմական ընկերությունների վրա հարձակման հետևում ռուսական ԳՌՈՒ-ն է «Սրբապիղծնե՛ր, շատ լավ երևում է, թե որտեղից է փչում այդ թունավոր քամին». հերոսի հոր` Արտակ Հովհաննիսյանի գրառումը «Փաստ». Մեծ փողեր, նեղ շրջան և պետական վերահսկողության ձախողումներ