ԼԱԿՈՏԱՊԵՏՈՒԹՅԱՆ ՎԵՐՋՆ ԵԿԵԼ Է

Այն լակոտապետությունը, որը ստեղծել է Նիկոլը, ճաքում եւ տրաքում է մեջտեղից: Նիկոլականները, որոնք մժեղի նման լցվել են բոլոր պետական կառավարման օղակները, իրենց ձեռքն են վերցրել բիզնեսի համով պատառները, արդյունքում, չկշտանալով իրենց միլիարդավոր պարգեւատրումներով, անցել են բացահայտ եւ անթաքույց թալանի: Ընդ որում, Նիկոլը այլեւս չի կարողանում իր լակոտներին տալ հստակ բաժանում, թե որտեղ է ավարտվում մի նիկոլական լակոտի թալանելու տարածքը եւ որտեղ է սկսվում մյուսինը: Արդյունքում, նիկոլական լակոտները իրար մորթում, գզում, ջարդում ու կողոպտում են: Ազգային ժողովի նիկոլական որջում իրար հանդեպ ատելությունը, նախանձը, անվստահությունն ու կասկածամտությունը գերազանցել են բոլոր հնարավոր սահմանները: Ու թեեւ այժմ քննարկվում է դեռ 4-5 հոգու ԱԺ մանդատից զրկելու հարցը, այնուամենայնիվ, այդ անիվը թափ է առնում: Ի դեպ, պատկերացնելու համար, թե ինչպիսի մթնոլորտ է ստեղծվել նիկոլական թիմում, կարելի է մեջբերել այն դեպքը, երբ Երեւանի քաղաքապետի մամուլի խոսնակ Հակոբ Կարապետյանը պատգամավորուհիներից մեկին առաջարկում է «ուտել իր մանդատը»: Ի պատասխան դրան` իմքայլական Վարդան Աթաբեկյանը զանգում է Կարապետյանին եւ քրեական ենթամշակույթին բնորոշ վերջին հայհոյանքը լցնում դրա գլխին: Էլ ավելի բարդ վիճակ է իշխանության ավելի ցածր օղակներում` մարզպետարաններում ու Երեւանի քաղաքապետարանի ստորաբաժանումներում: Վերջերս բախում է եղել Շենգավիթի 27-ամյա թաղապետ Ռազմիկ Մկրտչյանի եւ Երեւանի քաղաքապետարանի թաղման բյուրոյի տնօրեն Արման Իսկանդարյանի միջեւ: Սրանք էլ իրար մեջ չեն կիսել Շենգավիթի գերեզմանատան վարիչի պաշտոնը: Արդյունքում, թաղապետի եղբայրը մի մեծ խումբ ջահելներով ներխուժում է Իսկանդարյանի աշխատասենյակ, որտեղ սկսում են հաշիվ մաքրել: Տղայական բազառ է բացվում, որն ավարտվում է քրեական ենթամշակույթին բնորոշ պահվածքով: Դե, ինչ ասես, եթե առաջին փոխվարչապետն է արդեն իր ձեռքերին եւ լեզվին ազատություն տալիս ու կառավարության շենքում «ռազբորկա» անում իր ենթակաների հետ: Ի դեպ, օրերս Ավինյանը ասել է, թե ցավում է, որ երկրում հեղաշրջում չի իրականանալու: Հավանաբար Նիկոլը նախաձեռնությունը վերցրել է իր ձեռքը, սակայն մյուս կողմից պահել ու կառավարել իր լակոտապետությունը այլեւս չի կարողանում: Եվ  Ազգային ժողովում իր հիստերիկ ելույթը, որտեղ նա շատ տաօրինակ ձայներ էր հանում եւ էլ ավելի տարօրինակ դեմքի արտահայտություններ էր ընդունում, դրա վառ ապացույցն է:

Ա. ՀՈՎՀԱՆՆԻՍՅԱՆ

Այս թեմայով Մի քեֆ, մի ուրախություն․ ԸՆԿԵՐ ՓԱՆՋՈՒՆԻ  Իրականությունից կտրվածները Անկախության օրը՝ ախմախ անակնկալներով ՇՏԱՊ. Հակակոռուպցիոն կոմիտեն մտավ Աբովյանի համայնքապետարան. Բաբայան Էդոյի գործը «բուրդ է» Ձախողվեց մեր պետության զավթման ծրագիրը. Փաշինյանի ելույթը ՄԱԿ-ում