Արթուր Վանեցյանը դեռ չի արձագանքի Միքայել Մինասյանին

Սուրբ Աթոռում ՀՀ նախկին դեսպան ՄԻՔԱՅԵԼ ՄԻՆԱՍՅԱՆԸ փակագծեր էր բացել եւ նշել, թե որտեղ եւ ինչ հանգամանքներում է հանդիպել ԱԱԾ նախկին պետ Արթուր Վանեցյանի հետ: Ներկայացնելով Հռոմում կայացած հանդիպման բովանդակությունը՝ Մ. Մինասյանն ասել էր, որ Ա. Վանեցյանն իրեն է փոխանցել վարչապետ Նիկոլ Փաշինյանի մեսիջը՝ մասնավորապես նշելով. «Մենք առաջարկ ունենք. դու մուծում ես սիմվոլիկ գումար, կքննարկենք՝ որ հիմնադրամին, եւ դրանից հետո դու Հայաստան երբեք չես գալիս, բոլոր այն մարդիկ, որոնք այս կամ այն ձեւով առնչվում են քեզ հետ, լսում են քո խոսքը, դադարում են պայքարել Նիկոլ Փաշինյանի դեմ, դու դառնում ես ապաքաղաքական մարդ, շարունակում ես ապրել երջանիկ, եւ պայմանավորվելուց հետո քրեական բոլոր գործընթացները, հետապնդումները միանգամից դադարեցվում են, եւ մենք միանգամից դառնում ենք իրար չճանաչող լավ բարեկամներ»:

Թե արդյոք ԱԱԾ նախկին տնօրեն Արթուր Վանեցյանը ընդունում է, որ եղել է այսպիսի առաջարկ, որը չի ընդունել Մ. Մինասյանը, եւ ըստ այդմ՝ որքա՞ն էր կազմելու այդ «սիմվոլիկ» գումարը, արդյոք այս առաջարկի հակաօրինականության մասին զգուշացրե՞լ էր ՀՀ վարչապետին, ի պաշտոնե կարո՞ղ էր մերժել նման մեսիջ փոխանցելու ձեւաչափը եւ ինչո՞ւ, այդուհանդերձ, համաձայնեց, «Իրավունքը» փորձեց  պարզել հենց նրանից: Սակայն, մեր հարցմանն ի պատասխան, ԱԱԾ նախկին տնօրենի մամուլի խոսնակ ՔՐԻՍՏԻՆԵ ՄԵԼՔՈՆՅԱՆԸ փոխանցեց, որ այս պահին նպատակահարմար չեն գտնում մեկնաբանել Մ. Մինասյանի հնչեցրած հայտարարությունները. «Իսկ Միքայել Մինասյանի վերաբերյալ իր վերաբերմունքը պարոն Վանեցյանը հայտնել է դեռ նախորդ տարվա սեպտեմբերին՝ իր հրաժարականից անմիջապես հետո»:

Հիշեցնենք,  որ հրաժարականից հետո առաջին անգամ պատասխանելով լրագրողների հարցերին՝ ԱՐԹՈՒՐ ՎԱՆԵՑՅԱՆԸ Միքայել Մինասյանի մասին ասել էր. «Թող որեւէ մեկը չփորձի ինձ կապել Միքայել Մինասյանի հետ, քանի որ նա ինձ համար մարդ է, որը պետք է շատ հարցերի պատասխանները տա ՀՀ օրենքի առաջ£ Կլինի քննություն, եւ քննությունը կասի` արդյոք նա պետք է կանգնի օրենքի առաջ, թե՝ ոչ£ Թող որեւէ մեկը պղտոր ջրում ձուկ չորսա»:

ՀՐԱՆՏ ՍԱՐԱՖՅԱՆ

Այս թեմայով Սամարայում մեկտեղվել են Խաչատրյանի և Շոստակովիչի երաժշտությունն ու պատմությունը Միքայել Մինասյանին հրավիրել են Գլխավոր դատախազություն «Իրավունք». Փաշինյանը «հաթաթա» է տվել «Շեֆ ջան, մենք պրոբլեմ չունենք» ասողներին Հայտնի է մարզպետից՝ համայնքապետ ձգտման պատճառը Աբովյան համայնքի գլխավոր ճարտարապետ Վիրաբյանին ո՞նց ստացվեց, որ «ռաստամոշկա» արեցին դեպի հիվանդանոց