Պուտինը Կիմ Չեն Ընին մեդալով է պարգևատրել Հաղթանակի 75-ամյակի կապակցությամբ (լուսանկարներ)

Կորեայի Ժողովրդադեմոկրատական Հանրապետության ղեկավար Կիմ Չեն Ընը «1941-1945թթ. Հայրենական մեծ պատերազմում հաղթանակի 75-ամյակի» հոբելյանական մեդալով է պարգևատրվել` պատերազմի ընթացքում ԽՍՀՄ տված զոհերի հիշատակը հանրապետությունում հավերժացնելու գործում ունեցած ներդրման համար: Այս մասին տեղեկացնում է ԿԺԴՀ-ում ՌԴ դեսպանատան ֆեյսբուքյան էջը:

«ՌԴ նախագահի հրամանին համապատասխան՝ ԿԺԴՀ պետական խորհրդի նախագահ Կիմ Չեն Ընը  «1941-1945թթ Հայրենական մեծ պատերազմում հաղթանակի 75-ամյակի» հոբելյանական մեդալով է պարգևատրվել Կորեայի Ժողովրդադեմոկրատական Հանրապետության տարածքում զոհված և թաղված խորհրդային քաղաքացիների հիշատակը հավերժացնելու գործում նրա անձնական մեծ ներդրման և ԿԺԴՀ տարածքում խորհրդային զինվորների գերեզմանատների և հուշահամալիրների նկատմամբ իր հոգատարության համար»,-ասված է դեսպանատան հաղորդագրությունում:

Նշվում է, որ մայիսի 5-ին Մանսուդե պալատում Ռուսաստանի դեսպանը մեդալը փոխանցել է ԿԺԴՀ արտգործնախարար Լի Սոն Գվոնին: Այնուհետև նրանք կարճատև զրույց են ունեցել, որի ընթացքում ընդգծել  են 2019 թվականին Վլադիվոստոկում երկու երկրների ղեկավարների միջև ձեռքբերված և երկկողմանի համագործակցության զարգացմանն ուղղված  պայմանավորվածությունների կատարմանը հավատարիմ մնալու հաստատակամությունը:

Այս թեմայով Փնտրվում է Վայքի ՔՊ-ական թեկնածուի դեկանը համ ֆեյք դեկանի հետքերով Ինչու Կիեւի քաղաքապետ Կլիչկոյի երեխաները չեն գտնվում առաջնագծում Հետախուզության տվյալներով՝ Պուտինը պլանավորում է պատերազմը տարածել այլ երկրներում. Զելենսկի 6 տարի առաջ այս օրը ընկան հազարավոր ՏՂԱՆԵՐ Ո՛չ Կառավարությունը պետք է դառնա եկեղեցական ժողով, ո՛չ Եկեղեցին՝ կառավարություն