Մնացականյանը կրկին խուսափեց պատասխանել, արդյո՞ք կա սեղանին դրված փաստաթուղթ

Այսօր հանդես գալով ԱԺ-ում ՀՀ արտգործնախարար Զոհրաբ Մնացականյանը հայտարարել է, որ արցախյան խնդրի փուլային տարբերակը հնարավոր է, բայց այն պետք է նախատեսի  համաչափ  փոխզիջումներ: Նա նաեւ պատասխանելով այն  հարցին, թե արդյոք կամ թե չկա բանակցային սեղանին դրված փաստաթուղթ, խուսափողական պատասխան է տվել, թե. «Հարցը թափ տալու խնդիր չկա»: Ըստ Մնացականյանի շուտով սկսվելու է ինտենսիվ  աշխատանքի փուլ, որտեղ քննարկվելու են բազմաթիվ հարցեր, այդ թվում հասարակություններին  «խաղաղությանը նպաստող միջավայրի ձեւավորում»:

Հիշեցնենք, որ ապրիլի 21-ին  ՌԴ արտգործնախարար Սերգեյ Լավրովը նշել է, որ  ներկայսումս ակտիվ քննարկվում են  մեկ տարի առաջ  ներկայացված ծրագրերը, որոնք  ենթադրում են «կարգավորման փուլային մոտեցումը, նախատեսելով առաջին փուլում ամենահրատապ խնդիրների լուծումը` Լեռնային Ղարաբաղի շուրջ մի շարք շրջանների ազատումը եւ տրանսպորտային տնտեսական եւ այլ  կոմունիկացիաների ապաշրջափակումը»:

Մեր ստուգվող տեղեկություններով ռուսական համապատասխան կառույցները  արդեն սկսել են մշակել Հայաստանի եւ Ադրբեջանի միջեւ կոմունիկացիաների վերականգման, ինժեներական նախագծերը, դրանք քննարկելով այդ երկրների կառավարությունների հետ: Մասնավորապես քննարկվում են  երկաթգծերի , ավտոճանապարհների եւ գազատարների  վերականգնման  հնարավորությունները:

Հ. Գ. Այդ  կապակցությամբ  «Իրավունքը» դիմել է նաեւ  Հարավկովկասյան երկաթուղուն եւ Գազպրոմ Արմենիա ընկերությանը իրենցից մեկնաբանություն ստանալու վերաբերյալ:

Ա. Հովհաննիսյան

Այս թեմայով Աբովյան համայնքի գլխավոր ճարտարապետ Վիրաբյանին ո՞նց ստացվեց, որ «ռաստամոշկա» արեցին դեպի հիվանդանոց Հայաստանում կրկին տեղի կունենա «Աղոթքի նախաճաշ» ՀՐԱՏԱՊ.ԴՕԿ Կուսակցության պատվավոր նախագահ Վարդան Ղուկասյանն հանգամանալից կանդրադառնա ԵԽԽՎ-ում ՀՀ ԱԺ ընտրությունների վերաբերյալ հնչած գնահատականներին «Հրապարակ»․ ՀՀԿ-ն կրկին ակտիվանում է Փնտրվում է Վայքի ՔՊ-ական թեկնածուի դեկանը համ ֆեյք դեկանի հետքերով