​​​​​​​Զոհրաբ ջան, ախր ափսոս չէր ժամանակդ ու ջանքերդ, որ գործադրեցիր այդ ամորֆ միջավայրում. Արտակ Զաքարյան

ԱԺ արտաքին հարաբերությունների մշտական հանձնաժողովում ԱԳ նախարար Զոհրաբ Մնացականյանի հետ հանդիպում-քննարկումը, իբրեւ թե վերաբերում էր արցախյան հակամարտության բանակցային գործընթացին։ Այս մասին գրում է ԱԺ հինգերորդ գումարման արտաքին հարաբերությունների մշտական հանձնաժողովի նախագահ, ՀՀ պաշտպանության նախկին փոխնախարար ԱՐՏԱԿ ԶԱՔԱՐՅԱՆԸ եւ հավելում. «Զոհրաբ ջան, ախր ափսոս չէր ժամանակդ ու ջանքերդ, որ գործադրեցիր այդ ամորֆ միջավայրում՝ ըստ էության, ոչինչ չասելով։ Միթե պարզ չէր նախապես, որ այդտեղ հետաքրքրողը հարցի կարգավորումն ու Արցախի ճակատագիրը չէր։ Նրանք մի խնդիր ունեին եւ օգտագործելով ԱԳ նախարարի (նախկին փոխնախարարի) ներկայությունն ու զսպվածությունը՝ փորձում էին նախկին իշխանություններին եւ Սերժ Սարգսյանին ներկայացնել որպես Արցախի հարցում վատ բանակցողի եւ զիջումների գնացողի։ Եթե իրականում հանձնաժողովին հետաքրքրեր բուն բանակցությունները, ապա այդ նիստը կլիներ դռնփակ։ Պարզ է, որ մամուլի ներկայությամբ Զոհրաբ Մնացականյանը ոչ մի էական բան չէր ասելու՝ բացի հերթապահ հայտարարություններից, որոնք սովորաբար արվում են։ Հետեւաբար նիստի ակնհայտ նպատակն էր որոշ պատգմավորների կատարմամբ, նորից խաբել քաղաքացիներին՝ անցյալի մասին ակնհայտ հիմարություններ դուրս տալով։ Վերջում կրկին տեղին է հիշել ավետարանական ճշմարտությունը. «Ձեր սրբությունները մի տվեք շներին և մի շաղ տվեք ձեր մարգարիտները խոզերի առաջ, որպեսզի նրանք չտրորեն իրենց ոտքերով և չշրջվեն ու պատառոտեն ձեզ» (Մատթ. 7,6): Արցախյան հարցը մեր քաղաքական սրբություններից մեկն է, որը չի կարելի ծառայեցնել ներքաղաքական հաշիվներ մաքրելուն»։

Այս թեմայով Մտորումներ Վալենտին Օսկոցկու եւ հայկական Ղարաբաղի կրկնվող ողբերգության մասին Այն ճանապարհը, որն ընտրել է Հայաստանի իշխանությունն ու այդ իշխանությանն ընտրած ժողովուրդը, անհամատեղելի է Արցախ ունենալու հետ. Սամվել Շահրամանյան 6 տարի առաջ այս օրը ընկան հազարավոր ՏՂԱՆԵՐ Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան ՇՏԱՊ. Հակակոռուպցիոն կոմիտեն մտավ Աբովյանի համայնքապետարան. Բաբայան Էդոյի գործը «բուրդ է»