Ղազախստանի ԿԸՀ-ն դադարեցրել է Նազարբաևի դստեր պատգամավորական լիազորությունները

Ղազախստանի կենտրոնական ընտրական հանձնաժողովը դադարեցրել է երկրի առաջին նախագահ Նուրսուլթան Նազարբաևի դստեր՝ խորհրդարանի սենատի նախկին խոսնակ Դարիգա Նազարբաևայի պատգամավորական լիազորությունները: Այս մասին տեղեկացնում է «ՌԻԱ Նովոստի» գործակալությունը` հղում տալով ԿԸՀ-ի մամուլի ծառայությանը:

Նազարբաևայի լիազորությունները դադարեցվել են սահմանադրության համաձայն և «Ղազախստանի Հանրապետության խորհրդարանի և նրա պատգամավորների կարգավիճակի մասին» օրենքով:

Նազարբաևան Ղազախստանի առաջին նախագահ Նուրսուլթան Նազարբաևի ավագ դուստրն է: Նա սենատի պատգամավոր է եղել 2016 թվականի սեպտեմբերից, խոսնակի պաշտոնում ընտրվել է 2019 թվականի մարտին:

Սենատի խոսնակը հանրապետությունում երկրորդ պաշտոնն է նախագահի պաշտոնից հետո: Նախագահի` պաշտոնից վաղաժամ հեռանալու կամ մահվան դեպքում նրա լիազորությունները անցնում են Սենատի խոսնակին:

Ինչպես ավելի վաղ տեղեկացրել էր Tert.am-ը, Ղազախստանի նախագահ Կասիմ Ժոմարտ Տոկաևը դադարեցրել է խորհրդարանի Սենատի խոսնակ Դարիգա Նազարբաևայի լիազորությունները։ Որոշման պատճառը դեռևս չի նշվում։ Միևնույն ժամանակ, երկրի ղեկավարը շնորհակալություն է հայտնել Նազարբաևային արդյունավետ աշխատանքի համար։

Այս թեմայով Դժբախտ պատահարի հետևանքով մահացած 14 ղազախ զինծառայողի դեպքից հետո պաշտոնանկ է արվել Ղազախստանի ՊՆ նախարարը ԿԸՀ-ն հոկտեմբերի 25-ին կայանալիք ՏԻՄ ընտրություններին մասնակցող կուսակցություններին և դաշինքներին տրամադրել է հերթական համարներ ՌԴ ԿԸՀ–ն ներկայացրեց Պետդումայում մանդատների վերջնական բաշխումը Ուկրաինայում դադարեցրել են պայմանագրային զինծառայողներին վճարելը. Ռադայի պատգամավոր Եթե «ռեֆրեշ» չանեիք համակարգիչը, միայն այդ դեպքում կթվար, որ քվեարկությունը կանգ է առել․ ԿԸՀ նախագահ